| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দুস্সীলসুত্তং
10. Dussīlasuttaṃ
২২০. ‘‘চতূহি , ভিক্খৰে, ধম্মেহি সমন্নাগতো যথাভতং নিক্খিত্তো এৰং নিরযে। কতমেহি চতূহি? অস্সদ্ধো হোতি, দুস্সীলো হোতি, কুসীতো হোতি, দুপ্পঞ্ঞো হোতি – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং নিরযে।
220. ‘‘Catūhi , bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Assaddho hoti, dussīlo hoti, kusīto hoti, duppañño hoti – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘চতূহি, ভিক্খৰে, ধম্মেহি সমন্নাগতো যথাভতং নিক্খিত্তো এৰং সগ্গে। কতমেহি চতূহি ? সদ্ধো হোতি, সীলৰা হোতি, আরদ্ধৰীরিযো হোতি, পঞ্ঞৰা হোতি – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং সগ্গে’’তি। দসমং।
‘‘Catūhi, bhikkhave, dhammehi samannāgato yathābhataṃ nikkhitto evaṃ sagge. Katamehi catūhi ? Saddho hoti, sīlavā hoti, āraddhavīriyo hoti, paññavā hoti – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Dasamaṃ.
তস্সুদ্দানং –
Tassuddānaṃ –
পরিসা দিট্ঠি অকতঞ্ঞুতা, পাণাতিপাতাপি দ্ৰে মগ্গা।
Parisā diṭṭhi akataññutā, pāṇātipātāpi dve maggā;
দ্ৰে ৰোহারপথা ৰুত্তা, অহিরিকং দুপ্পঞ্ঞেন চাতি॥
Dve vohārapathā vuttā, ahirikaṃ duppaññena cāti.
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সিক্খাপদসুত্তাদিৰণ্ণনা • 1-10. Sikkhāpadasuttādivaṇṇanā
