| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. ဒုပ္ပဋိဝိနောဒယသုတ္တံ
10. Duppaṭivinodayasuttaṃ
၁၆၀. ‘‘ပဉ္စိမေ, ဘိက္ခဝေ, ဥပ္ပန္နာ ဒုပ္ပဋိဝိနောဒယာ။ ကတမေ ပဉ္စ? ဥပ္ပန္နော ရာဂော ဒုပ္ပဋိဝိနောဒယော, ဥပ္ပန္နော ဒောသော ဒုပ္ပဋိဝိနောဒယော, ဥပ္ပန္နော မောဟော ဒုပ္ပဋိဝိနောဒယော, ဥပ္ပန္နံ ပဋိဘာနံ ဒုပ္ပဋိဝိနောဒယံ, ဥပ္ပန္နံ ဂမိကစိတ္တံ ဒုပ္ပဋိဝိနောဒယံ။ ဣမေ ခော, ဘိက္ခဝေ, ပဉ္စ ဥပ္ပန္နာ ဒုပ္ပဋိဝိနောဒယာ’’တိ။ ဒသမံ။
160. ‘‘Pañcime, bhikkhave, uppannā duppaṭivinodayā. Katame pañca? Uppanno rāgo duppaṭivinodayo, uppanno doso duppaṭivinodayo, uppanno moho duppaṭivinodayo, uppannaṃ paṭibhānaṃ duppaṭivinodayaṃ, uppannaṃ gamikacittaṃ duppaṭivinodayaṃ. Ime kho, bhikkhave, pañca uppannā duppaṭivinodayā’’ti. Dasamaṃ.
သဒ္ဓမ္မဝဂ္ဂော ပဌမော။
Saddhammavaggo paṭhamo.
တသ္သုဒ္ဒာနံ –
Tassuddānaṃ –
တယော သမ္မတ္တနိယာမာ၊ တယော သဒ္ဓမ္မသမ္မောသာ။
Tayo sammattaniyāmā, tayo saddhammasammosā;
ဒုက္ကထာ စေဝ သာရဇ္ဇံ၊ ဥဒာယိဒုဗ္ဗိနောဒယာတိ။
Dukkathā ceva sārajjaṃ, udāyidubbinodayāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. ဒုပ္ပဋိဝိနောဒယသုတ္တဝဏ္ဏနာ • 10. Duppaṭivinodayasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / (၁၆) ၁. သဒ္ဓမ္မဝဂ္ဂော • (16) 1. Saddhammavaggo
