| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౧౦. దుప్పటివినోదయసుత్తం
10. Duppaṭivinodayasuttaṃ
౧౬౦. ‘‘పఞ్చిమే, భిక్ఖవే, ఉప్పన్నా దుప్పటివినోదయా. కతమే పఞ్చ? ఉప్పన్నో రాగో దుప్పటివినోదయో, ఉప్పన్నో దోసో దుప్పటివినోదయో, ఉప్పన్నో మోహో దుప్పటివినోదయో, ఉప్పన్నం పటిభానం దుప్పటివినోదయం, ఉప్పన్నం గమికచిత్తం దుప్పటివినోదయం. ఇమే ఖో, భిక్ఖవే, పఞ్చ ఉప్పన్నా దుప్పటివినోదయా’’తి. దసమం.
160. ‘‘Pañcime, bhikkhave, uppannā duppaṭivinodayā. Katame pañca? Uppanno rāgo duppaṭivinodayo, uppanno doso duppaṭivinodayo, uppanno moho duppaṭivinodayo, uppannaṃ paṭibhānaṃ duppaṭivinodayaṃ, uppannaṃ gamikacittaṃ duppaṭivinodayaṃ. Ime kho, bhikkhave, pañca uppannā duppaṭivinodayā’’ti. Dasamaṃ.
సద్ధమ్మవగ్గో పఠమో.
Saddhammavaggo paṭhamo.
తస్సుద్దానం –
Tassuddānaṃ –
తయో సమ్మత్తనియామా, తయో సద్ధమ్మసమ్మోసా;
Tayo sammattaniyāmā, tayo saddhammasammosā;
దుక్కథా చేవ సారజ్జం, ఉదాయిదుబ్బినోదయాతి.
Dukkathā ceva sārajjaṃ, udāyidubbinodayāti.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧౦. దుప్పటివినోదయసుత్తవణ్ణనా • 10. Duppaṭivinodayasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / (౧౬) ౧. సద్ధమ్మవగ్గో • (16) 1. Saddhammavaggo
