| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. ទុក្ខុទ្រយសុត្តំ
10. Dukkhudrayasuttaṃ
១៨៧. ‘‘ទុក្ខុទ្រយញ្ច វោ, ភិក្ខវេ, ធម្មំ ទេសេស្សាមិ សុខុទ្រយញ្ច។ តំ សុណាថ…បេ.… កតមោ ច, ភិក្ខវេ, ទុក្ខុទ្រយោ ធម្មោ? បាណាតិបាតោ…បេ.… មិច្ឆាទិដ្ឋិ – អយំ វុច្ចតិ, ភិក្ខវេ, ទុក្ខុទ្រយោ ធម្មោ។
187. ‘‘Dukkhudrayañca vo, bhikkhave, dhammaṃ desessāmi sukhudrayañca. Taṃ suṇātha…pe… katamo ca, bhikkhave, dukkhudrayo dhammo? Pāṇātipāto…pe… micchādiṭṭhi – ayaṃ vuccati, bhikkhave, dukkhudrayo dhammo.
‘‘កតមោ ច, ភិក្ខវេ, សុខុទ្រយោ ធម្មោ? បាណាតិបាតា វេរមណី…បេ.… សម្មាទិដ្ឋិ – អយំ វុច្ចតិ, ភិក្ខវេ, សុខុទ្រយោ ធម្មោ’’តិ។ ទសមំ។
‘‘Katamo ca, bhikkhave, sukhudrayo dhammo? Pāṇātipātā veramaṇī…pe… sammādiṭṭhi – ayaṃ vuccati, bhikkhave, sukhudrayo dhammo’’ti. Dasamaṃ.
Related texts:
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៤៤. ព្រាហ្មណបច្ចោរោហណីសុត្តាទិវណ្ណនា • 1-44. Brāhmaṇapaccorohaṇīsuttādivaṇṇanā
