| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਦੁਕ੍ਖਸੁਤ੍ਤવਣ੍ਣਨਾ
3. Dukkhasuttavaṇṇanā
੪੩. ਤਤਿਯੇ ਦੁਕ੍ਖਸ੍ਸਾਤਿ વਟ੍ਟਦੁਕ੍ਖਸ੍ਸ। ਸਮੁਦਯਨ੍ਤਿ ਦ੍વੇ ਸਮੁਦਯਾ ਖਣਿਕਸਮੁਦਯੋ ਚ ਪਚ੍ਚਯਸਮੁਦਯੋ ਚ। ਪਚ੍ਚਯਸਮੁਦਯਂ ਪਸ੍ਸਨ੍ਤੋਪਿ ਭਿਕ੍ਖੁ ਖਣਿਕਸਮੁਦਯਂ ਪਸ੍ਸਤਿ, ਖਣਿਕਸਮੁਦਯਂ ਪਸ੍ਸਨ੍ਤੋਪਿ ਪਚ੍ਚਯਸਮੁਦਯਂ ਪਸ੍ਸਤਿ। ਅਤ੍ਥਙ੍ਗਮੋਪਿ ਅਚ੍ਚਨ੍ਤਤ੍ਥਙ੍ਗਮੋ ਭੇਦਤ੍ਥਙ੍ਗਮੋਤਿ ਦੁવਿਧੋ। ਅਚ੍ਚਨ੍ਤਤ੍ਥਙ੍ਗਮਂ ਪਸ੍ਸਨ੍ਤੋਪਿ ਭੇਦਤ੍ਥਙ੍ਗਮਂ ਪਸ੍ਸਤਿ, ਭੇਦਤ੍ਥਙ੍ਗਮਂ ਪਸ੍ਸਨ੍ਤੋਪਿ ਅਚ੍ਚਨ੍ਤਤ੍ਥਙ੍ਗਮਂ ਪਸ੍ਸਤਿ। ਦੇਸੇਸ੍ਸਾਮੀਤਿ ਇਦਂ વਟ੍ਟਦੁਕ੍ਖਸ੍ਸ ਸਮੁਦਯਅਤ੍ਥਙ੍ਗਮਂ ਨਿਬ੍ਬਤ੍ਤਿਭੇਦਂ ਨਾਮ ਦੇਸੇਸ੍ਸਾਮਿ, ਤਂ ਸੁਣਾਥਾਤਿ ਅਤ੍ਥੋ। ਪਟਿਚ੍ਚਾਤਿ ਨਿਸ੍ਸਯવਸੇਨ ਚੇવ ਆਰਮ੍ਮਣવਸੇਨ ਚ ਪਚ੍ਚਯਂ ਕਤ੍વਾ। ਤਿਣ੍ਣਂ ਸਙ੍ਗਤਿ ਫਸ੍ਸੋਤਿ ਤਿਣ੍ਣਂ ਸਙ੍ਗਤਿਯਾ ਫਸ੍ਸੋ। ਅਯਂ ਖੋ, ਭਿਕ੍ਖવੇ, ਦੁਕ੍ਖਸ੍ਸ ਸਮੁਦਯੋਤਿ ਅਯਂ વਟ੍ਟਦੁਕ੍ਖਸ੍ਸ ਨਿਬ੍ਬਤ੍ਤਿ ਨਾਮ। ਅਤ੍ਥਙ੍ਗਮੋਤਿ ਭੇਦੋ। ਏવਞ੍ਹਿ વਟ੍ਟਦੁਕ੍ਖਂ ਭਿਨ੍ਨਂ ਹੋਤਿ ਅਪ੍ਪਟਿਸਨ੍ਧਿਯਂ। ਤਤਿਯਂ।
43. Tatiye dukkhassāti vaṭṭadukkhassa. Samudayanti dve samudayā khaṇikasamudayo ca paccayasamudayo ca. Paccayasamudayaṃ passantopi bhikkhu khaṇikasamudayaṃ passati, khaṇikasamudayaṃ passantopi paccayasamudayaṃ passati. Atthaṅgamopi accantatthaṅgamo bhedatthaṅgamoti duvidho. Accantatthaṅgamaṃ passantopi bhedatthaṅgamaṃ passati, bhedatthaṅgamaṃ passantopi accantatthaṅgamaṃ passati. Desessāmīti idaṃ vaṭṭadukkhassa samudayaatthaṅgamaṃ nibbattibhedaṃ nāma desessāmi, taṃ suṇāthāti attho. Paṭiccāti nissayavasena ceva ārammaṇavasena ca paccayaṃ katvā. Tiṇṇaṃ saṅgati phassoti tiṇṇaṃ saṅgatiyā phasso. Ayaṃ kho, bhikkhave, dukkhassa samudayoti ayaṃ vaṭṭadukkhassa nibbatti nāma. Atthaṅgamoti bhedo. Evañhi vaṭṭadukkhaṃ bhinnaṃ hoti appaṭisandhiyaṃ. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਦੁਕ੍ਖਸੁਤ੍ਤਂ • 3. Dukkhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਦੁਕ੍ਖਸੁਤ੍ਤવਣ੍ਣਨਾ • 3. Dukkhasuttavaṇṇanā
