| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੪. ਦੁਕ੍ਖਪਞ੍ਹਾਸੁਤ੍ਤਂ
14. Dukkhapañhāsuttaṃ
੩੨੭. ‘‘‘ਦੁਕ੍ਖਂ , ਦੁਕ੍ਖ’ਨ੍ਤਿ, ਆવੁਸੋ ਸਾਰਿਪੁਤ੍ਤ, વੁਚ੍ਚਤਿ। ਕਤਮਂ ਨੁ ਖੋ, ਆવੁਸੋ, ਦੁਕ੍ਖ’’ਨ੍ਤਿ? ‘‘ਤਿਸ੍ਸੋ ਇਮਾ, ਆવੁਸੋ, ਦੁਕ੍ਖਤਾ। ਦੁਕ੍ਖਦੁਕ੍ਖਤਾ, ਸਙ੍ਖਾਰਦੁਕ੍ਖਤਾ , વਿਪਰਿਣਾਮਦੁਕ੍ਖਤਾ – ਇਮਾ ਖੋ, ਆવੁਸੋ, ਤਿਸ੍ਸੋ ਦੁਕ੍ਖਤਾ’’ਤਿ। ‘‘ਅਤ੍ਥਿ ਪਨਾવੁਸੋ ਮਗ੍ਗੋ ਅਤ੍ਥਿ ਪਟਿਪਦਾ, ਏਤਾਸਂ ਦੁਕ੍ਖਤਾਨਂ ਪਰਿਞ੍ਞਾਯਾ’’ਤਿ? ‘‘ਅਤ੍ਥਿ ਖੋ, ਆવੁਸੋ, ਮਗ੍ਗੋ ਅਤ੍ਥਿ ਪਟਿਪਦਾ, ਏਤਾਸਂ ਦੁਕ੍ਖਤਾਨਂ ਪਰਿਞ੍ਞਾਯਾ’’ਤਿ। ‘‘ਕਤਮੋ ਪਨਾવੁਸੋ, ਮਗ੍ਗੋ ਕਤਮਾ ਪਟਿਪਦਾ, ਏਤਾਸਂ ਦੁਕ੍ਖਤਾਨਂ ਪਰਿਞ੍ਞਾਯਾ’’ਤਿ? ‘‘ਅਯਮੇવ ਖੋ, ਆવੁਸੋ, ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਏਤਾਸਂ ਦੁਕ੍ਖਤਾਨਂ ਪਰਿਞ੍ਞਾਯ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾવਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀવੋ ਸਮ੍ਮਾવਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ। ਅਯਂ ਖੋ, ਆવੁਸੋ, ਮਗ੍ਗੋ ਅਯਂ ਪਟਿਪਦਾ, ਏਤਾਸਂ ਦੁਕ੍ਖਤਾਨਂ ਪਰਿਞ੍ਞਾਯਾ’’ਤਿ। ‘‘ਭਦ੍ਦਕੋ, ਆવੁਸੋ, ਮਗ੍ਗੋ ਭਦ੍ਦਿਕਾ ਪਟਿਪਦਾ, ਏਤਾਸਂ ਦੁਕ੍ਖਤਾਨਂ ਪਰਿਞ੍ਞਾਯ। ਅਲਞ੍ਚ ਪਨਾવੁਸੋ ਸਾਰਿਪੁਤ੍ਤ, ਅਪ੍ਪਮਾਦਾਯਾ’’ਤਿ। ਚੁਦ੍ਦਸਮਂ।
327. ‘‘‘Dukkhaṃ , dukkha’nti, āvuso sāriputta, vuccati. Katamaṃ nu kho, āvuso, dukkha’’nti? ‘‘Tisso imā, āvuso, dukkhatā. Dukkhadukkhatā, saṅkhāradukkhatā , vipariṇāmadukkhatā – imā kho, āvuso, tisso dukkhatā’’ti. ‘‘Atthi panāvuso maggo atthi paṭipadā, etāsaṃ dukkhatānaṃ pariññāyā’’ti? ‘‘Atthi kho, āvuso, maggo atthi paṭipadā, etāsaṃ dukkhatānaṃ pariññāyā’’ti. ‘‘Katamo panāvuso, maggo katamā paṭipadā, etāsaṃ dukkhatānaṃ pariññāyā’’ti? ‘‘Ayameva kho, āvuso, ariyo aṭṭhaṅgiko maggo, etāsaṃ dukkhatānaṃ pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etāsaṃ dukkhatānaṃ pariññāyā’’ti. ‘‘Bhaddako, āvuso, maggo bhaddikā paṭipadā, etāsaṃ dukkhatānaṃ pariññāya. Alañca panāvuso sāriputta, appamādāyā’’ti. Cuddasamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩-੧੫. ਧਮ੍ਮવਾਦੀਪਞ੍ਹਾਸੁਤ੍ਤਾਦਿવਣ੍ਣਨਾ • 3-15. Dhammavādīpañhāsuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩-੧੫. ਧਮ੍ਮવਾਦੀਪਞ੍ਹਸੁਤ੍ਤਾਦਿવਣ੍ਣਨਾ • 3-15. Dhammavādīpañhasuttādivaṇṇanā
