| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೨. ದುತಿಯವಗ್ಗೋ
2. Dutiyavaggo
(೧೫) ೬. ದುಕ್ಖಾಹಾರಕಥಾ
(15) 6. Dukkhāhārakathā
೩೩೪. ದುಕ್ಖಾಹಾರೋ ಮಗ್ಗಙ್ಗಂ ಮಗ್ಗಪರಿಯಾಪನ್ನನ್ತಿ? ಆಮನ್ತಾ । ಯೇ ಕೇಚಿ ದುಕ್ಖನ್ತಿ ವಾಚಂ ಭಾಸನ್ತಿ, ಸಬ್ಬೇ ತೇ ಮಗ್ಗಂ ಭಾವೇನ್ತೀತಿ? ನ ಹೇವಂ ವತ್ತಬ್ಬೇ।
334. Dukkhāhāro maggaṅgaṃ maggapariyāpannanti? Āmantā . Ye keci dukkhanti vācaṃ bhāsanti, sabbe te maggaṃ bhāventīti? Na hevaṃ vattabbe.
ಯೇ ಕೇಚಿ ದುಕ್ಖನ್ತಿ ವಾಚಂ ಭಾಸನ್ತಿ, ಸಬ್ಬೇ ತೇ ಮಗ್ಗಂ ಭಾವೇನ್ತೀತಿ? ಆಮನ್ತಾ। ಬಾಲಪುಥುಜ್ಜನಾ ದುಕ್ಖನ್ತಿ ವಾಚಂ ಭಾಸನ್ತಿ, ಬಾಲಪುಥುಜ್ಜನಾ ಮಗ್ಗಂ ಭಾವೇನ್ತೀತಿ? ನ ಹೇವಂ ವತ್ತಬ್ಬೇ। ಮಾತುಘಾತಕೋ… ಪಿತುಘಾತಕೋ… ಅರಹನ್ತಘಾತಕೋ… ರುಹಿರುಪ್ಪಾದಕೋ 1 … ಸಙ್ಘಭೇದಕೋ ದುಕ್ಖನ್ತಿ ವಾಚಂ ಭಾಸತಿ, ಸಙ್ಘಭೇದಕೋ ಮಗ್ಗಂ ಭಾವೇತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Ye keci dukkhanti vācaṃ bhāsanti, sabbe te maggaṃ bhāventīti? Āmantā. Bālaputhujjanā dukkhanti vācaṃ bhāsanti, bālaputhujjanā maggaṃ bhāventīti? Na hevaṃ vattabbe. Mātughātako… pitughātako… arahantaghātako… ruhiruppādako 2 … saṅghabhedako dukkhanti vācaṃ bhāsati, saṅghabhedako maggaṃ bhāvetīti? Na hevaṃ vattabbe…pe….
ದುಕ್ಖಾಹಾರಕಥಾ ನಿಟ್ಠಿತಾ।
Dukkhāhārakathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೬. ದುಕ್ಖಾಹಾರಕಥಾವಣ್ಣನಾ • 6. Dukkhāhārakathāvaṇṇanā
