| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
२. दुतियवग्गो
2. Dutiyavaggo
(१५) ६. दुक्खाहारकथा
(15) 6. Dukkhāhārakathā
३३४. दुक्खाहारो मग्गङ्गं मग्गपरियापन्नन्ति? आमन्ता । ये केचि दुक्खन्ति वाचं भासन्ति, सब्बे ते मग्गं भावेन्तीति? न हेवं वत्तब्बे।
334. Dukkhāhāro maggaṅgaṃ maggapariyāpannanti? Āmantā . Ye keci dukkhanti vācaṃ bhāsanti, sabbe te maggaṃ bhāventīti? Na hevaṃ vattabbe.
ये केचि दुक्खन्ति वाचं भासन्ति, सब्बे ते मग्गं भावेन्तीति? आमन्ता। बालपुथुज्जना दुक्खन्ति वाचं भासन्ति, बालपुथुज्जना मग्गं भावेन्तीति? न हेवं वत्तब्बे। मातुघातको… पितुघातको… अरहन्तघातको… रुहिरुप्पादको 1 … सङ्घभेदको दुक्खन्ति वाचं भासति, सङ्घभेदको मग्गं भावेतीति? न हेवं वत्तब्बे…पे॰…।
Ye keci dukkhanti vācaṃ bhāsanti, sabbe te maggaṃ bhāventīti? Āmantā. Bālaputhujjanā dukkhanti vācaṃ bhāsanti, bālaputhujjanā maggaṃ bhāventīti? Na hevaṃ vattabbe. Mātughātako… pitughātako… arahantaghātako… ruhiruppādako 2 … saṅghabhedako dukkhanti vācaṃ bhāsati, saṅghabhedako maggaṃ bhāvetīti? Na hevaṃ vattabbe…pe….
दुक्खाहारकथा निट्ठिता।
Dukkhāhārakathā niṭṭhitā.
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ६. दुक्खाहारकथावण्णना • 6. Dukkhāhārakathāvaṇṇanā
