| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২. দুতিযৰগ্গো
2. Dutiyavaggo
(১৫) ৬. দুক্খাহারকথা
(15) 6. Dukkhāhārakathā
৩৩৪. দুক্খাহারো মগ্গঙ্গং মগ্গপরিযাপন্নন্তি? আমন্তা । যে কেচি দুক্খন্তি ৰাচং ভাসন্তি, সব্বে তে মগ্গং ভাৰেন্তীতি? ন হেৰং ৰত্তব্বে।
334. Dukkhāhāro maggaṅgaṃ maggapariyāpannanti? Āmantā . Ye keci dukkhanti vācaṃ bhāsanti, sabbe te maggaṃ bhāventīti? Na hevaṃ vattabbe.
যে কেচি দুক্খন্তি ৰাচং ভাসন্তি, সব্বে তে মগ্গং ভাৰেন্তীতি? আমন্তা। বালপুথুজ্জনা দুক্খন্তি ৰাচং ভাসন্তি, বালপুথুজ্জনা মগ্গং ভাৰেন্তীতি? ন হেৰং ৰত্তব্বে। মাতুঘাতকো… পিতুঘাতকো… অরহন্তঘাতকো… রুহিরুপ্পাদকো 1 … সঙ্ঘভেদকো দুক্খন্তি ৰাচং ভাসতি, সঙ্ঘভেদকো মগ্গং ভাৰেতীতি? ন হেৰং ৰত্তব্বে…পে॰…।
Ye keci dukkhanti vācaṃ bhāsanti, sabbe te maggaṃ bhāventīti? Āmantā. Bālaputhujjanā dukkhanti vācaṃ bhāsanti, bālaputhujjanā maggaṃ bhāventīti? Na hevaṃ vattabbe. Mātughātako… pitughātako… arahantaghātako… ruhiruppādako 2 … saṅghabhedako dukkhanti vācaṃ bhāsati, saṅghabhedako maggaṃ bhāvetīti? Na hevaṃ vattabbe…pe….
দুক্খাহারকথা নিট্ঠিতা।
Dukkhāhārakathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৬. দুক্খাহারকথাৰণ্ণনা • 6. Dukkhāhārakathāvaṇṇanā
