| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೬. ದುಕ್ಕರಪಞ್ಹಾಸುತ್ತಂ
16. Dukkarapañhāsuttaṃ
೩೨೯. ‘‘ಕಿಂ ನು ಖೋ, ಆವುಸೋ ಸಾರಿಪುತ್ತ, ಇಮಸ್ಮಿಂ ಧಮ್ಮವಿನಯೇ ದುಕ್ಕರ’’ನ್ತಿ? ‘‘ಪಬ್ಬಜ್ಜಾ ಖೋ, ಆವುಸೋ, ಇಮಸ್ಮಿಂ ಧಮ್ಮವಿನಯೇ ದುಕ್ಕರಾ’’ತಿ। ‘‘ಪಬ್ಬಜಿತೇನ ಪನಾವುಸೋ, ಕಿಂ ದುಕ್ಕರ’’ನ್ತಿ? ‘‘ಪಬ್ಬಜಿತೇನ ಖೋ, ಆವುಸೋ, ಅಭಿರತಿ ದುಕ್ಕರಾ’’ತಿ। ‘‘ಅಭಿರತೇನ ಪನಾವುಸೋ, ಕಿಂ ದುಕ್ಕರ’’ನ್ತಿ? ‘‘ಅಭಿರತೇನ ಖೋ, ಆವುಸೋ, ಧಮ್ಮಾನುಧಮ್ಮಪ್ಪಟಿಪತ್ತಿ ದುಕ್ಕರಾ’’ತಿ। ‘‘ಕೀವಚಿರಂ ಪನಾವುಸೋ, ಧಮ್ಮಾನುಧಮ್ಮಪ್ಪಟಿಪನ್ನೋ ಭಿಕ್ಖು ಅರಹಂ ಅಸ್ಸಾ’’ತಿ? ‘‘ನಚಿರಂ, ಆವುಸೋ’’ತಿ। ಸೋಳಸಮಂ।
329. ‘‘Kiṃ nu kho, āvuso sāriputta, imasmiṃ dhammavinaye dukkara’’nti? ‘‘Pabbajjā kho, āvuso, imasmiṃ dhammavinaye dukkarā’’ti. ‘‘Pabbajitena panāvuso, kiṃ dukkara’’nti? ‘‘Pabbajitena kho, āvuso, abhirati dukkarā’’ti. ‘‘Abhiratena panāvuso, kiṃ dukkara’’nti? ‘‘Abhiratena kho, āvuso, dhammānudhammappaṭipatti dukkarā’’ti. ‘‘Kīvaciraṃ panāvuso, dhammānudhammappaṭipanno bhikkhu arahaṃ assā’’ti? ‘‘Naciraṃ, āvuso’’ti. Soḷasamaṃ.
ಜಮ್ಬುಖಾದಕಸಂಯುತ್ತಂ ಸಮತ್ತಂ।
Jambukhādakasaṃyuttaṃ samattaṃ.
ತಸ್ಸುದ್ದಾನಂ –
Tassuddānaṃ –
ನಿಬ್ಬಾನಂ ಅರಹತ್ತಞ್ಚ, ಧಮ್ಮವಾದೀ ಕಿಮತ್ಥಿಯಂ।
Nibbānaṃ arahattañca, dhammavādī kimatthiyaṃ;
ಅಸ್ಸಾಸೋ ಪರಮಸ್ಸಾಸೋ, ವೇದನಾ ಆಸವಾವಿಜ್ಜಾ।
Assāso paramassāso, vedanā āsavāvijjā;
ತಣ್ಹಾ ಓಘಾ ಉಪಾದಾನಂ, ಭವೋ ದುಕ್ಖಞ್ಚ ಸಕ್ಕಾಯೋ॥
Taṇhā oghā upādānaṃ, bhavo dukkhañca sakkāyo.
ಇಮಸ್ಮಿಂ ಧಮ್ಮವಿನಯೇ ದುಕ್ಕರನ್ತಿ॥
Imasmiṃ dhammavinaye dukkaranti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೬. ದುಕ್ಕರಪಞ್ಹಾಸುತ್ತವಣ್ಣನಾ • 16. Dukkarapañhāsuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೬. ದುಕ್ಕರಪಞ್ಹಸುತ್ತವಣ್ಣನಾ • 16. Dukkarapañhasuttavaṇṇanā
