| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๖. ทุกฺกรปญฺหาสุตฺตํ
16. Dukkarapañhāsuttaṃ
๓๒๙. ‘‘กิํ นุ โข, อาวุโส สาริปุตฺต, อิมสฺมิํ ธมฺมวินเย ทุกฺกร’’นฺติ? ‘‘ปพฺพชฺชา โข, อาวุโส, อิมสฺมิํ ธมฺมวินเย ทุกฺกรา’’ติฯ ‘‘ปพฺพชิเตน ปนาวุโส, กิํ ทุกฺกร’’นฺติ? ‘‘ปพฺพชิเตน โข, อาวุโส, อภิรติ ทุกฺกรา’’ติฯ ‘‘อภิรเตน ปนาวุโส, กิํ ทุกฺกร’’นฺติ? ‘‘อภิรเตน โข, อาวุโส, ธมฺมานุธมฺมปฺปฎิปตฺติ ทุกฺกรา’’ติฯ ‘‘กีวจิรํ ปนาวุโส, ธมฺมานุธมฺมปฺปฎิปโนฺน ภิกฺขุ อรหํ อสฺสา’’ติ? ‘‘นจิรํ, อาวุโส’’ติฯ โสฬสมํฯ
329. ‘‘Kiṃ nu kho, āvuso sāriputta, imasmiṃ dhammavinaye dukkara’’nti? ‘‘Pabbajjā kho, āvuso, imasmiṃ dhammavinaye dukkarā’’ti. ‘‘Pabbajitena panāvuso, kiṃ dukkara’’nti? ‘‘Pabbajitena kho, āvuso, abhirati dukkarā’’ti. ‘‘Abhiratena panāvuso, kiṃ dukkara’’nti? ‘‘Abhiratena kho, āvuso, dhammānudhammappaṭipatti dukkarā’’ti. ‘‘Kīvaciraṃ panāvuso, dhammānudhammappaṭipanno bhikkhu arahaṃ assā’’ti? ‘‘Naciraṃ, āvuso’’ti. Soḷasamaṃ.
ชมฺพุขาทกสํยุตฺตํ สมตฺตํฯ
Jambukhādakasaṃyuttaṃ samattaṃ.
ตสฺสุทฺทานํ –
Tassuddānaṃ –
นิพฺพานํ อรหตฺตญฺจ, ธมฺมวาที กิมตฺถิยํ;
Nibbānaṃ arahattañca, dhammavādī kimatthiyaṃ;
อสฺสาโส ปรมสฺสาโส, เวทนา อาสวาวิชฺชา;
Assāso paramassāso, vedanā āsavāvijjā;
ตณฺหา โอฆา อุปาทานํ, ภโว ทุกฺขญฺจ สกฺกาโยฯ
Taṇhā oghā upādānaṃ, bhavo dukkhañca sakkāyo.
อิมสฺมิํ ธมฺมวินเย ทุกฺกรนฺติฯ
Imasmiṃ dhammavinaye dukkaranti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๖. ทุกฺกรปญฺหาสุตฺตวณฺณนา • 16. Dukkarapañhāsuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๖. ทุกฺกรปญฺหสุตฺตวณฺณนา • 16. Dukkarapañhasuttavaṇṇanā
