| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১৬. দুক্করপঞ্হাসুত্তং
16. Dukkarapañhāsuttaṃ
৩২৯. ‘‘কিং নু খো, আৰুসো সারিপুত্ত, ইমস্মিং ধম্মৰিনযে দুক্কর’’ন্তি? ‘‘পব্বজ্জা খো, আৰুসো, ইমস্মিং ধম্মৰিনযে দুক্করা’’তি। ‘‘পব্বজিতেন পনাৰুসো, কিং দুক্কর’’ন্তি? ‘‘পব্বজিতেন খো, আৰুসো, অভিরতি দুক্করা’’তি। ‘‘অভিরতেন পনাৰুসো, কিং দুক্কর’’ন্তি? ‘‘অভিরতেন খো, আৰুসো, ধম্মানুধম্মপ্পটিপত্তি দুক্করা’’তি। ‘‘কীৰচিরং পনাৰুসো, ধম্মানুধম্মপ্পটিপন্নো ভিক্খু অরহং অস্সা’’তি? ‘‘নচিরং, আৰুসো’’তি। সোল়সমং।
329. ‘‘Kiṃ nu kho, āvuso sāriputta, imasmiṃ dhammavinaye dukkara’’nti? ‘‘Pabbajjā kho, āvuso, imasmiṃ dhammavinaye dukkarā’’ti. ‘‘Pabbajitena panāvuso, kiṃ dukkara’’nti? ‘‘Pabbajitena kho, āvuso, abhirati dukkarā’’ti. ‘‘Abhiratena panāvuso, kiṃ dukkara’’nti? ‘‘Abhiratena kho, āvuso, dhammānudhammappaṭipatti dukkarā’’ti. ‘‘Kīvaciraṃ panāvuso, dhammānudhammappaṭipanno bhikkhu arahaṃ assā’’ti? ‘‘Naciraṃ, āvuso’’ti. Soḷasamaṃ.
জম্বুখাদকসংযুত্তং সমত্তং।
Jambukhādakasaṃyuttaṃ samattaṃ.
তস্সুদ্দানং –
Tassuddānaṃ –
নিব্বানং অরহত্তঞ্চ, ধম্মৰাদী কিমত্থিযং।
Nibbānaṃ arahattañca, dhammavādī kimatthiyaṃ;
অস্সাসো পরমস্সাসো, ৰেদনা আসৰাৰিজ্জা।
Assāso paramassāso, vedanā āsavāvijjā;
তণ্হা ওঘা উপাদানং, ভৰো দুক্খঞ্চ সক্কাযো॥
Taṇhā oghā upādānaṃ, bhavo dukkhañca sakkāyo.
ইমস্মিং ধম্মৰিনযে দুক্করন্তি॥
Imasmiṃ dhammavinaye dukkaranti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১৬. দুক্করপঞ্হাসুত্তৰণ্ণনা • 16. Dukkarapañhāsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১৬. দুক্করপঞ্হসুত্তৰণ্ণনা • 16. Dukkarapañhasuttavaṇṇanā
