| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̣̇угаваараван̣н̣анаа
Dukavāravaṇṇanā
322. д̣̇угзсу саяамзва сабуг̇г̇алод̇и ааха ‘‘муд̣̇убидтигассаа’’д̇иаад̣̇и. аад̣̇и-сад̣̇д̣̇зна ан̇г̇аж̇аад̇ажчзд̣̇аад̇д̇агхаад̇аад̣̇иаабад̇д̇ияо сан̇г̇ахид̇аа.
322. Dukesu sayameva sapuggaloti āha ‘‘mudupiṭṭhikassā’’tiādi. Ādi-saddena aṅgajātacchedaattaghātādiāpattiyo saṅgahitā.
бхан̣д̣ааг̇ааригажид̇д̇агаммаани ваад̇и г̇ахадтаанам̣ бхан̣д̣абадисааманам̣, ид̇т̇ибурисаад̣̇ибадибхаанажид̇д̇агаммаани ваа. ‘‘жийвараад̣̇ийни ад̣̇знд̇о аабаж̇ж̇ад̇ий’’д̇и ид̣̇ам̣ ‘‘убаж̇жхааязна, бхигкавз, сад̣̇д̇хивихаариго сан̇г̇ахзд̇аб̣б̣о ануг̇г̇ахзд̇аб̣б̣о…бз… бад̇д̇о д̣̇аад̇аб̣б̣о’’д̇иаад̣̇и (махаава. 67) важанад̇о анаад̣̇ариязна аамисасан̇г̇ахам̣ агаронд̇асса д̣̇уггадам̣, бхигкунияаа баажид̇д̇ияан̃жа санд̇хааяа вуд̇д̇ам̣. ниссадтажийвараад̣̇ийнам̣ ад̣̇аанааабад̇д̇иби зд̇т̇зва сан̇г̇ахид̇аа.
Bhaṇḍāgārikacittakammāni vāti gahaṭṭhānaṃ bhaṇḍapaṭisāmanaṃ, itthipurisādipaṭibhānacittakammāni vā. ‘‘Cīvarādīni adento āpajjatī’’ti idaṃ ‘‘upajjhāyena, bhikkhave, saddhivihāriko saṅgahetabbo anuggahetabbo…pe… patto dātabbo’’tiādi (mahāva. 67) vacanato anādariyena āmisasaṅgahaṃ akarontassa dukkaṭaṃ, bhikkhuniyā pācittiyañca sandhāya vuttaṃ. Nissaṭṭhacīvarādīnaṃ adānaāpattipi ettheva saṅgahitā.
баал̣ияам̣ д̣̇зсзнд̇од̇и сабхааг̇аабад̇д̇им̣, ад̣̇зсанааг̇ааминиаад̣̇ин̃жа д̣̇зсзнд̇о. нид̣̇аануд̣̇д̣̇зсз аабад̇д̇им̣ анаавигаронд̇о, на д̣̇зсзнд̇о жа аабаж̇ж̇ад̇и наама. оваад̣̇ам̣ аг̇ан̣ханд̇од̇и бхигкуухи бхигкуниоваад̣̇ад̇т̇ааяа вуд̇д̇ам̣ важанам̣ аг̇ан̣ханд̇о б̣аалаг̇илаанаг̇амияавиваж̇ж̇ид̇о. ад̇д̇ано барибхог̇ад̇т̇ам̣ д̣̇иннам̣ ан̃н̃асса д̣̇аанз, сан̇гхаадим̣ абаарубид̇ваа санд̇аруд̇д̇арзна г̇аамаббавзсанаад̣̇ийсу жа аабад̇д̇ияоби абарибхог̇зна аабаж̇ж̇ид̇аб̣б̣аабад̇д̇ияова. бамаан̣анд̇и сан̇гхабхзд̣̇аананд̇арияанибпад̇д̇ияаа лагкан̣ам̣. б̣аалассаад̇и ниссаяаг̇г̇ахан̣авид̇хим̣ аж̇аананд̇асса лаж̇ж̇иб̣аалассзва. лаж̇ж̇иссаад̇и б̣яад̇д̇асса ниссаяад̣̇ааяагасабхааг̇ад̇ам̣ баривиймам̣санд̇асса. винаяз ааг̇ад̇аа ад̇т̇аа взнаяигаад̇и ааха ‘‘д̣̇вз ад̇т̇аа винаяасид̣̇д̇хаа’’д̇и.
Pāḷiyaṃ desentoti sabhāgāpattiṃ, adesanāgāminiādiñca desento. Nidānuddese āpattiṃ anāvikaronto, na desento ca āpajjati nāma. Ovādaṃ agaṇhantoti bhikkhūhi bhikkhuniovādatthāya vuttaṃ vacanaṃ agaṇhanto bālagilānagamiyavivajjito. Attano paribhogatthaṃ dinnaṃ aññassa dāne, saṅghāṭiṃ apārupitvā santaruttarena gāmappavesanādīsu ca āpattiyopi aparibhogena āpajjitabbāpattiyova. Pamāṇanti saṅghabhedānantariyanipphattiyā lakkhaṇaṃ. Bālassāti nissayaggahaṇavidhiṃ ajānantassa lajjibālasseva. Lajjissāti byattassa nissayadāyakasabhāgataṃ parivīmaṃsantassa. Vinaye āgatā atthā venayikāti āha ‘‘dve atthā vinayasiddhā’’ti.
баал̣ияам̣ аббад̇д̇о ниссааран̣анд̇и зд̇т̇а баб̣б̣ааж̇анийяагаммам̣ вихаарад̇о ниссааран̣ад̇д̇аа ниссааран̣анд̇и ад̇хиббзд̇ам̣, д̇ан̃жа яасмаа гулад̣̇уусагам̣ агаронд̇о буг̇г̇ало аабад̇д̇иб̣ахулоби аавзн̣игалагкан̣зна аббад̇д̇о наама ход̇и, д̇асмаа аббад̇д̇о ниссааран̣ам̣. яасмаа бана аабад̇д̇аад̣̇иб̣ахулассааби ‘‘ааган̇камаано сан̇гхо баб̣б̣ааж̇анийяагаммам̣ гарзяяаа’’д̇и (жуул̣ава. 27) вуд̇д̇ам̣, д̇асмаа суниссаарид̇о, саб̣б̣ат̇аа бана суд̣̇д̇хо нираабад̇д̇иго д̣̇унниссаарид̇од̇и д̣̇адтаб̣б̣о.
Pāḷiyaṃ appatto nissāraṇanti ettha pabbājanīyakammaṃ vihārato nissāraṇattā nissāraṇanti adhippetaṃ, tañca yasmā kuladūsakaṃ akaronto puggalo āpattibahulopi āveṇikalakkhaṇena appatto nāma hoti, tasmā appatto nissāraṇaṃ. Yasmā pana āpattādibahulassāpi ‘‘ākaṅkhamāno saṅgho pabbājanīyakammaṃ kareyyā’’ti (cūḷava. 27) vuttaṃ, tasmā sunissārito, sabbathā pana suddho nirāpattiko dunnissāritoti daṭṭhabbo.
аббад̇д̇о осааран̣анд̇иаад̣̇ийсу убасамбад̣̇аагаммам̣ зд̇т̇а осааран̣ам̣ ад̇хиббзд̇ам̣, д̇ан̃жа хад̇т̇ажчиннаад̣̇иго згажжо бадигкид̇д̇ад̇д̇аа аббад̇д̇оби сосаарид̇о, бан̣д̣агаад̣̇иго д̣̇осаарид̇од̇и ад̇т̇о.
Appatto osāraṇantiādīsu upasampadākammaṃ ettha osāraṇaṃ adhippetaṃ, tañca hatthacchinnādiko ekacco paṭikkhittattā appattopi sosārito, paṇḍakādiko dosāritoti attho.
д̣̇угаваараван̣н̣анаа нидтид̇аа.
Dukavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. д̣̇угавааро • 2. Dukavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̣̇угаваараван̣н̣анаа • Ekuttarikanayo dukavāravaṇṇanā
