| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൨. ദുകനിദ്ദേസവണ്ണനാ
2. Dukaniddesavaṇṇanā
൬൩. കസ്സചീതി കസ്സചിപി. കഥഞ്ചീതി കേനചി പകാരേന, വിക്ഖമ്ഭനമത്തേനാപീതി വുത്തം ഹോതി. അജ്ഝത്തഗ്ഗഹണസ്സാതി അത്താനം അധികിച്ച ഉദ്ദിസ്സ പവത്തഗ്ഗാഹസ്സ.
63. Kassacīti kassacipi. Kathañcīti kenaci pakārena, vikkhambhanamattenāpīti vuttaṃ hoti. Ajjhattaggahaṇassāti attānaṃ adhikicca uddissa pavattaggāhassa.
൮൩. പുരിമഗ്ഗഹിതന്തി ‘‘കരിസ്സതി മേ’’തിആദിനാ ചിത്തേന പഠമം ഗഹിതം. തം കതന്തി തം താദിസം ഉപകാരം. പുഞ്ഞഫലം ഉപജീവന്തോ കതഞ്ഞുപക്ഖേ തിട്ഠതീതി വുത്തം ‘‘പുഞ്ഞഫലം അനുപജീവന്തോ’’തി.
83. Purimaggahitanti ‘‘karissati me’’tiādinā cittena paṭhamaṃ gahitaṃ. Taṃ katanti taṃ tādisaṃ upakāraṃ. Puññaphalaṃ upajīvanto kataññupakkhe tiṭṭhatīti vuttaṃ ‘‘puññaphalaṃ anupajīvanto’’ti.
൯൦. ഗുണപാരിപൂരിയാ പരിപുണ്ണോ യാവദത്ഥോ ഇധ തിത്തോതി ആഹ ‘‘നിട്ഠിതകിച്ചതായ നിരുസ്സുക്കോ’’തി.
90. Guṇapāripūriyā paripuṇṇo yāvadattho idha tittoti āha ‘‘niṭṭhitakiccatāya nirussukko’’ti.
ദുകനിദ്ദേസവണ്ണനാ നിട്ഠിതാ.
Dukaniddesavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / പുഗ്ഗലപഞ്ഞത്തിപാളി • Puggalapaññattipāḷi / ൨. ദുകപുഗ്ഗലപഞ്ഞത്തി • 2. Dukapuggalapaññatti
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൨. ദുകനിദ്ദേസവണ്ണനാ • 2. Dukaniddesavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൨. ദുകനിദ്ദേസവണ്ണനാ • 2. Dukaniddesavaṇṇanā
