| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဒုစ္စရိတသုတ္တဝဏ္ဏနာ
7. Duccaritasuttavaṇṇanā
၄၁၃. ဧတ္ထာပိ မနောသုစရိတံ သီလံ နာမာတိ ဒသ္သေတီတိ ကတ္ဝာ ဝုတ္တံ ‘‘ပစ္ဆိမာပိ တယော’’တိ။ အနဘိဇ္ဈာအဗ္ယာပာဒသမ္မာဒိဋ္ဌိဓမ္မာ သီလံ ဟောတီတိ ဝေဒိတဗ္ဗာ ကာယဝစီသုစရိတေဟိ သဒ္ဓိံ မနောသုစရိတမ္ပိ ဝတ္ဝာ ‘‘တတော တ္ဝံ ဘိက္ခု သီလံ နိသ္သာယ သီလေ ပတိဋ္ဌာယာ’’တိ ဝုတ္တတ္တာ။ သေသံ ဝုတ္တနယမေဝ။ ဆဋ္ဌသတ္တမေသူတိ ဆဋ္ဌသတ္တမဝဂ္ဂေသု အပုဗ္ဗံ နတ္ထိ။ တေန ဝုတ္တံ ‘‘ဟေဋ္ဌာ ဝုတ္တနယေနေဝ အတ္ထော ဝေဒိတဗ္ဗော’’တိ။ ဝဂ္ဂပေယ္ယာလတော ပန ဣမသ္မိံ သတိပဋ္ဌာနသံယုတ္တေ ကတိပယဝဂ္ဂာ သင္ဂဟံ အာရူဠ္ဟာ, တထာပိ တေသံ အတ္ထဝိသေသာဘာဝတော ဧကစ္စေသု ပောတ္ထကေသု မုခမတ္တံ ဒသ္သေတ္ဝာ သံခိတ္တာ, ဧကစ္စေသု အတိသံခိတ္တာဝ, တေ သင္ခေပဝသေန ဒ္ဝေ ကတ္ဝာ ‘‘ဆဋ္ဌသတ္တမေသူ’’တိ ဝုတ္တံ။
413. Etthāpi manosucaritaṃ sīlaṃ nāmāti dassetīti katvā vuttaṃ ‘‘pacchimāpi tayo’’ti. Anabhijjhāabyāpādasammādiṭṭhidhammā sīlaṃ hotīti veditabbā kāyavacīsucaritehi saddhiṃ manosucaritampi vatvā ‘‘tato tvaṃ bhikkhu sīlaṃ nissāya sīle patiṭṭhāyā’’ti vuttattā. Sesaṃ vuttanayameva. Chaṭṭhasattamesūti chaṭṭhasattamavaggesu apubbaṃ natthi. Tena vuttaṃ ‘‘heṭṭhā vuttanayeneva attho veditabbo’’ti. Vaggapeyyālato pana imasmiṃ satipaṭṭhānasaṃyutte katipayavaggā saṅgahaṃ ārūḷhā, tathāpi tesaṃ atthavisesābhāvato ekaccesu potthakesu mukhamattaṃ dassetvā saṃkhittā, ekaccesu atisaṃkhittāva, te saṅkhepavasena dve katvā ‘‘chaṭṭhasattamesū’’ti vuttaṃ.
အမတဝဂ္ဂဝဏ္ဏနာ နိဋ္ဌိတာ။
Amatavaggavaṇṇanā niṭṭhitā.
သတိပဋ္ဌာနသံယုတ္တဝဏ္ဏနာ နိဋ္ဌိတာ။
Satipaṭṭhānasaṃyuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဒုစ္စရိတသုတ္တံ • 7. Duccaritasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဒုစ္စရိတသုတ္တဝဏ္ဏနာ • 7. Duccaritasuttavaṇṇanā
