| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៥. ទុច្ចរិតសុត្តំ
5. Duccaritasuttaṃ
៦៤. វុត្តញ្ហេតំ ភគវតា, វុត្តមរហតាតិ មេ សុតំ –
64. Vuttañhetaṃ bhagavatā, vuttamarahatāti me sutaṃ –
‘‘តីណិមានិ, ភិក្ខវេ, ទុច្ចរិតានិ។ កតមានិ តីណិ? កាយទុច្ចរិតំ, វចីទុច្ចរិតំ, មនោទុច្ចរិតំ – ឥមានិ ខោ, ភិក្ខវេ, តីណិ ទុច្ចរិតានី’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Tīṇimāni, bhikkhave, duccaritāni. Katamāni tīṇi? Kāyaduccaritaṃ, vacīduccaritaṃ, manoduccaritaṃ – imāni kho, bhikkhave, tīṇi duccaritānī’’ti. Etamatthaṃ bhagavā avoca. Tatthetaṃ iti vuccati –
‘‘កាយទុច្ចរិតំ កត្វា, វចីទុច្ចរិតានិ ច;
‘‘Kāyaduccaritaṃ katvā, vacīduccaritāni ca;
មនោទុច្ចរិតំ កត្វា, យញ្ចញ្ញំ ទោសសំហិតំ។
Manoduccaritaṃ katvā, yañcaññaṃ dosasaṃhitaṃ.
‘‘អកត្វា កុសលំ កម្មំ, កត្វានាកុសលំ ពហុំ;
‘‘Akatvā kusalaṃ kammaṃ, katvānākusalaṃ bahuṃ;
កាយស្ស ភេទា ទុប្បញ្ញោ, និរយំ សោបបជ្ជតី’’តិ។
Kāyassa bhedā duppañño, nirayaṃ sopapajjatī’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ បញ្ចមំ។
Ayampi attho vutto bhagavatā, iti me sutanti. Pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៥. ទុច្ចរិតសុត្តវណ្ណនា • 5. Duccaritasuttavaṇṇanā
