| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. д̣̇уб̣б̣ан̣н̣ияасуд̇д̇ам̣
2. Dubbaṇṇiyasuttaṃ
268. саавад̇т̇ияам̣ ж̇зд̇аванз. д̇ад̇ра ко…бз… зд̇ад̣̇авожа – ‘‘бхууд̇абуб̣б̣ам̣, бхигкавз, ан̃н̃ад̇аро яагко д̣̇уб̣б̣ан̣н̣о огодимаго саггасса д̣̇зваанаминд̣̇асса аасанз нисинно ахоси. д̇ад̇ра суд̣̇ам̣, бхигкавз, д̣̇зваа д̇аавад̇им̣саа уж̇жхааяанд̇и кияяанд̇и вибаажзнд̇и – ‘ажчарияам̣ вад̇а бхо, аб̣бхуд̇ам̣ вад̇а, бхо! аяам̣ яагко д̣̇уб̣б̣ан̣н̣о огодимаго саггасса д̣̇зваанаминд̣̇асса аасанз нисинно’’’д̇и! яат̇аа яат̇аа ко, бхигкавз, д̣̇зваа д̇аавад̇им̣саа уж̇жхааяанд̇и кияяанд̇и вибаажзнд̇и, д̇ат̇аа д̇ат̇аа со яагко абхируубад̇аро жзва ход̇и д̣̇ассанийяад̇аро жа баасаад̣̇игад̇аро жа.
268. Sāvatthiyaṃ jetavane. Tatra kho…pe… etadavoca – ‘‘bhūtapubbaṃ, bhikkhave, aññataro yakkho dubbaṇṇo okoṭimako sakkassa devānamindassa āsane nisinno ahosi. Tatra sudaṃ, bhikkhave, devā tāvatiṃsā ujjhāyanti khiyyanti vipācenti – ‘acchariyaṃ vata bho, abbhutaṃ vata, bho! Ayaṃ yakkho dubbaṇṇo okoṭimako sakkassa devānamindassa āsane nisinno’’’ti! Yathā yathā kho, bhikkhave, devā tāvatiṃsā ujjhāyanti khiyyanti vipācenti, tathā tathā so yakkho abhirūpataro ceva hoti dassanīyataro ca pāsādikataro ca.
‘‘ат̇а ко, бхигкавз, д̣̇зваа д̇аавад̇им̣саа язна сагго д̣̇зваанаминд̣̇о д̇знубасан̇гамим̣су; убасан̇гамид̇ваа саггам̣ д̣̇зваанаминд̣̇ам̣ зд̇ад̣̇авожум̣ – ‘ид̇ха д̇з, маариса, ан̃н̃ад̇аро яагко д̣̇уб̣б̣ан̣н̣о огодимаго саггасса д̣̇зваанаминд̣̇асса аасанз нисинно. д̇ад̇ра суд̣̇ам̣, маариса, д̣̇зваа д̇аавад̇им̣саа уж̇жхааяанд̇и кияяанд̇и вибаажзнд̇и – ажчарияам̣ вад̇а, бхо, аб̣бхуд̇ам̣ вад̇а, бхо! аяам̣ яагко д̣̇уб̣б̣ан̣н̣о огодимаго саггасса д̣̇зваанаминд̣̇асса аасанз нисиннод̇и. яат̇аа яат̇аа ко, маариса, д̣̇зваа уж̇жхааяанд̇и кияяанд̇и вибаажзнд̇и, д̇ат̇аа д̇ат̇аа со яагко абхируубад̇аро жзва ход̇и д̣̇ассанийяад̇аро жа баасаад̣̇игад̇аро жаад̇и. со хи нууна, маариса, год̇хабхагко яагко бхависсад̇ий’’’д̇и.
‘‘Atha kho, bhikkhave, devā tāvatiṃsā yena sakko devānamindo tenupasaṅkamiṃsu; upasaṅkamitvā sakkaṃ devānamindaṃ etadavocuṃ – ‘idha te, mārisa, aññataro yakkho dubbaṇṇo okoṭimako sakkassa devānamindassa āsane nisinno. Tatra sudaṃ, mārisa, devā tāvatiṃsā ujjhāyanti khiyyanti vipācenti – acchariyaṃ vata, bho, abbhutaṃ vata, bho! Ayaṃ yakkho dubbaṇṇo okoṭimako sakkassa devānamindassa āsane nisinnoti. Yathā yathā kho, mārisa, devā ujjhāyanti khiyyanti vipācenti, tathā tathā so yakkho abhirūpataro ceva hoti dassanīyataro ca pāsādikataro cāti. So hi nūna, mārisa, kodhabhakkho yakkho bhavissatī’’’ti.
‘‘ат̇а ко, бхигкавз, сагго д̣̇зваанаминд̣̇о язна со год̇хабхагко яагко д̇знубасан̇гами; убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа д̣̇агкин̣аж̇аан̣уман̣д̣алам̣ бат̇авияам̣ ниханд̇ваа язна со год̇хабхагко яагко д̇знан̃ж̇алим̣ бан̣аамзд̇ваа д̇игкад̇д̇ум̣ наамам̣ саавзд̇и – ‘саггохам̣ маариса, д̣̇зваанаминд̣̇о, саггохам̣, маариса, д̣̇зваанаминд̣̇о’д̇и. яат̇аа яат̇аа ко, бхигкавз, сагго д̣̇зваанаминд̣̇о наамам̣ саавзси, д̇ат̇аа д̇ат̇аа со яагко д̣̇уб̣б̣ан̣н̣ад̇аро жзва ахоси огодимагад̇аро жа. д̣̇уб̣б̣ан̣н̣ад̇аро жзва худ̇ваа огодимагад̇аро жа д̇ад̇т̇званд̇арад̇хааяий’’д̇и. ат̇а ко, бхигкавз, сагго д̣̇зваанаминд̣̇о сагз аасанз нисийд̣̇ид̇ваа д̣̇звз д̇аавад̇им̣сз анунаяамаано д̇ааяам̣ взлааяам̣ имаа г̇аат̇ааяо абхааси –
‘‘Atha kho, bhikkhave, sakko devānamindo yena so kodhabhakkho yakkho tenupasaṅkami; upasaṅkamitvā ekaṃsaṃ uttarāsaṅgaṃ karitvā dakkhiṇajāṇumaṇḍalaṃ pathaviyaṃ nihantvā yena so kodhabhakkho yakkho tenañjaliṃ paṇāmetvā tikkhattuṃ nāmaṃ sāveti – ‘sakkohaṃ mārisa, devānamindo, sakkohaṃ, mārisa, devānamindo’ti. Yathā yathā kho, bhikkhave, sakko devānamindo nāmaṃ sāvesi, tathā tathā so yakkho dubbaṇṇataro ceva ahosi okoṭimakataro ca. Dubbaṇṇataro ceva hutvā okoṭimakataro ca tatthevantaradhāyī’’ti. Atha kho, bhikkhave, sakko devānamindo sake āsane nisīditvā deve tāvatiṃse anunayamāno tāyaṃ velāyaṃ imā gāthāyo abhāsi –
‘‘на суубахад̇ажид̇д̇омхи, наавад̇д̇зна суваанаяо;
‘‘Na sūpahatacittomhi, nāvattena suvānayo;
на во жираахам̣ гуж̇жхаами, год̇хо маяи наавад̇идтад̇и.
Na vo cirāhaṃ kujjhāmi, kodho mayi nāvatiṭṭhati.
‘‘гуд̣̇д̇хаахам̣ на парусам̣ б̣рууми, на жа д̇хаммаани гид̇д̇аяз;
‘‘Kuddhāhaṃ na pharusaṃ brūmi, na ca dhammāni kittaye;
санниг̇г̇ан̣хаами ад̇д̇аанам̣, самбассам̣ ад̇т̇амад̇д̇ано’’д̇и.
Sanniggaṇhāmi attānaṃ, sampassaṃ atthamattano’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̣̇уб̣б̣ан̣н̣ияасуд̇д̇аван̣н̣анаа • 2. Dubbaṇṇiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̣̇уб̣б̣ан̣н̣ияасуд̇д̇аван̣н̣анаа • 3. Dubbaṇṇiyasuttavaṇṇanā
