| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೯. ದೋವಚಸ್ಸತಾಸುತ್ತಂ
9. Dovacassatāsuttaṃ
೧೧೫. ‘‘ತಯೋಮೇ, ಭಿಕ್ಖವೇ, ಧಮ್ಮಾ। ಕತಮೇ ತಯೋ? ದೋವಚಸ್ಸತಾ, ಪಾಪಮಿತ್ತತಾ, ಚೇತಸೋ ವಿಕ್ಖೇಪೋ। ಇಮೇ ಖೋ, ಭಿಕ್ಖವೇ, ತಯೋ ಧಮ್ಮಾ। ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ತಯೋ ಧಮ್ಮಾ ಭಾವೇತಬ್ಬಾ। ಕತಮೇ ತಯೋ? ದೋವಚಸ್ಸತಾಯ ಪಹಾನಾಯ ಸೋವಚಸ್ಸತಾ ಭಾವೇತಬ್ಬಾ, ಪಾಪಮಿತ್ತತಾಯ ಪಹಾನಾಯ ಕಲ್ಯಾಣಮಿತ್ತತಾ ಭಾವೇತಬ್ಬಾ, ಚೇತಸೋ ವಿಕ್ಖೇಪಸ್ಸ ಪಹಾನಾಯ ಆನಾಪಾನಸ್ಸತಿ ಭಾವೇತಬ್ಬಾ। ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ಇಮೇ ತಯೋ ಧಮ್ಮಾ ಭಾವೇತಬ್ಬಾ’’ತಿ। ನವಮಂ।
115. ‘‘Tayome, bhikkhave, dhammā. Katame tayo? Dovacassatā, pāpamittatā, cetaso vikkhepo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Dovacassatāya pahānāya sovacassatā bhāvetabbā, pāpamittatāya pahānāya kalyāṇamittatā bhāvetabbā, cetaso vikkhepassa pahānāya ānāpānassati bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Navamaṃ.
Related texts:
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೧. ಪಾತುಭಾವಸುತ್ತಾದಿವಣ್ಣನಾ • 1-11. Pātubhāvasuttādivaṇṇanā
