| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
១០. ទោសបរិញ្ញាសុត្តំ
10. Dosapariññāsuttaṃ
១០. វុត្តញ្ហេតំ ភគវតា, វុត្តមរហតាតិ មេ សុតំ –
10. Vuttañhetaṃ bhagavatā, vuttamarahatāti me sutaṃ –
‘‘ទោសំ, ភិក្ខវេ, អនភិជានំ អបរិជានំ តត្ថ ចិត្តំ អវិរាជយំ អប្បជហំ អភព្ពោ ទុក្ខក្ខយាយ។ ទោសញ្ច ខោ, ភិក្ខវេ, អភិជានំ បរិជានំ តត្ថ ចិត្តំ វិរាជយំ បជហំ ភព្ពោ ទុក្ខក្ខយាយា’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Dosaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Dosañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –
‘‘យេន ទោសេន ទុដ្ឋាសេ, សត្តា គច្ឆន្តិ ទុគ្គតិំ;
‘‘Yena dosena duṭṭhāse, sattā gacchanti duggatiṃ;
តំ ទោសំ សម្មទញ្ញាយ, បជហន្តិ វិបស្សិនោ;
Taṃ dosaṃ sammadaññāya, pajahanti vipassino;
បហាយ ន បុនាយន្តិ, ឥមំ លោកំ កុទាចន’’ន្តិ។
Pahāya na punāyanti, imaṃ lokaṃ kudācana’’nti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ ទសមំ។
Ayampi attho vutto bhagavatā, iti me sutanti. Dasamaṃ.
បឋមោ វគ្គោ និដ្ឋិតោ។
Paṭhamo vaggo niṭṭhito.
តស្សុទ្ទានំ –
Tassuddānaṃ –
រាគទោសា អថ មោហោ, កោធមក្ខា មានំ សព្ពំ;
Rāgadosā atha moho, kodhamakkhā mānaṃ sabbaṃ;
មានតោ រាគទោសា បុន ទ្វេ, បកាសិតា វគ្គមាហុ បឋមន្តិ។
Mānato rāgadosā puna dve, pakāsitā vaggamāhu paṭhamanti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៩-១០. លោភទោសបរិញ្ញាសុត្តទ្វយវណ្ណនា • 9-10. Lobhadosapariññāsuttadvayavaṇṇanā
