| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. દિટ્ઠધમ્મનિબ્બાનસુત્તં
10. Diṭṭhadhammanibbānasuttaṃ
૫૧. ‘‘‘દિટ્ઠધમ્મનિબ્બાનં દિટ્ઠધમ્મનિબ્બાન’ન્તિ, આવુસો, વુચ્ચતિ. કિત્તાવતા નુ ખો, આવુસો દિટ્ઠધમ્મનિબ્બાનં વુત્તં ભગવતા’’તિ?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘ઇધાવુસો, ભિક્ખુ વિવિચ્ચેવ કામેહિ …પે॰… પઠમં ઝાનં ઉપસમ્પજ્જ વિહરતિ. એત્તાવતાપિ ખો, આવુસો, દિટ્ઠધમ્મનિબ્બાનં વુત્તં ભગવતા પરિયાયેન …પે॰….
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘પુન ચપરં, આવુસો, ભિક્ખુ સબ્બસો નેવસઞ્ઞાનાસઞ્ઞાયતનં સમતિક્કમ્મ સઞ્ઞાવેદયિતનિરોધં ઉપસમ્પજ્જ વિહરતિ, પઞ્ઞાય ચસ્સ દિસ્વા આસવા પરિક્ખીણા હોન્તિ. એત્તાવતાપિ ખો, આવુસો, દિટ્ઠધમ્મનિબ્બાનં વુત્તં ભગવતા નિપ્પરિયાયેના’’તિ. દસમં.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
સામઞ્ઞવગ્ગો પઞ્ચમો.
Sāmaññavaggo pañcamo.
તસ્સુદ્દાનં –
Tassuddānaṃ –
સમ્બાધો કાયસક્ખી પઞ્ઞા,
Sambādho kāyasakkhī paññā,
ઉભતોભાગો સન્દિટ્ઠિકા દ્વે;
Ubhatobhāgo sandiṭṭhikā dve;
નિબ્બાનં પરિનિબ્બાનં,
Nibbānaṃ parinibbānaṃ,
તદઙ્ગદિટ્ઠધમ્મિકેન ચાતિ.
Tadaṅgadiṭṭhadhammikena cāti.
પઠમપણ્ણાસકં સમત્તં.
Paṭhamapaṇṇāsakaṃ samattaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૫-૧૦. સન્દિટ્ઠિકધમ્મસુત્તાદિવણ્ણના • 5-10. Sandiṭṭhikadhammasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. સમ્બાધસુત્તાદિવણ્ણના • 1-10. Sambādhasuttādivaṇṇanā
