| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দিট্ঠধম্মনিব্বানসুত্তং
10. Diṭṭhadhammanibbānasuttaṃ
৫১. ‘‘‘দিট্ঠধম্মনিব্বানং দিট্ঠধম্মনিব্বান’ন্তি, আৰুসো, ৰুচ্চতি। কিত্তাৰতা নু খো, আৰুসো দিট্ঠধম্মনিব্বানং ৰুত্তং ভগৰতা’’তি?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘ইধাৰুসো, ভিক্খু ৰিৰিচ্চেৰ কামেহি …পে॰… পঠমং ঝানং উপসম্পজ্জ ৰিহরতি। এত্তাৰতাপি খো, আৰুসো, দিট্ঠধম্মনিব্বানং ৰুত্তং ভগৰতা পরিযাযেন …পে॰…।
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘পুন চপরং, আৰুসো, ভিক্খু সব্বসো নেৰসঞ্ঞানাসঞ্ঞাযতনং সমতিক্কম্ম সঞ্ঞাৰেদযিতনিরোধং উপসম্পজ্জ ৰিহরতি, পঞ্ঞায চস্স দিস্ৰা আসৰা পরিক্খীণা হোন্তি। এত্তাৰতাপি খো, আৰুসো, দিট্ঠধম্মনিব্বানং ৰুত্তং ভগৰতা নিপ্পরিযাযেনা’’তি। দসমং।
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
সামঞ্ঞৰগ্গো পঞ্চমো।
Sāmaññavaggo pañcamo.
তস্সুদ্দানং –
Tassuddānaṃ –
সম্বাধো কাযসক্খী পঞ্ঞা,
Sambādho kāyasakkhī paññā,
উভতোভাগো সন্দিট্ঠিকা দ্ৰে।
Ubhatobhāgo sandiṭṭhikā dve;
নিব্বানং পরিনিব্বানং,
Nibbānaṃ parinibbānaṃ,
তদঙ্গদিট্ঠধম্মিকেন চাতি॥
Tadaṅgadiṭṭhadhammikena cāti.
পঠমপণ্ণাসকং সমত্তং।
Paṭhamapaṇṇāsakaṃ samattaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫-১০. সন্দিট্ঠিকধম্মসুত্তাদিৰণ্ণনা • 5-10. Sandiṭṭhikadhammasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সম্বাধসুত্তাদিৰণ্ণনা • 1-10. Sambādhasuttādivaṇṇanā
