| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
5. தீ³பிகங்க³பஞ்ஹோ
5. Dīpikaṅgapañho
5. ‘‘ப⁴ந்தே நாக³ஸேன, ‘தீ³பிகஸ்ஸ த்³வே அங்கா³னி க³ஹேதப்³பா³னீ’தி யங் வதே³ஸி, கதமானி தானி த்³வே அங்கா³னி க³ஹேதப்³பா³னீ’’தி? ‘‘யதா², மஹாராஜ, தீ³பிகோ அரஞ்ஞே திணக³ஹனங் வா வனக³ஹனங் வா பப்³ப³தக³ஹனங் வா நிஸ்ஸாய நிலீயித்வா மிகே³ க³ண்ஹாதி, ஏவமேவ கோ², மஹாராஜ, யோகி³னா யோகா³வசரேன விவேகங் ஸேவிதப்³ப³ங் அரஞ்ஞங் ருக்க²மூலங் பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங் பலாலபுஞ்ஜங் அப்பஸத்³த³ங் அப்பனிக்³கோ⁴ஸங் விஜனவாதங் மனுஸ்ஸராஹஸெய்யகங் படிஸல்லானஸாருப்பங்; விவேகங் ஸேவமானோ ஹி, மஹாராஜ, யோகீ³ யோகா³வசரோ நசிரஸ்ஸேவ ச²ளபி⁴ஞ்ஞாஸு ச வஸிபா⁴வங் பாபுணாதி. இத³ங், மஹாராஜ, தீ³பிகஸ்ஸ பட²மங் அங்க³ங் க³ஹேதப்³ப³ங். பா⁴ஸிதம்பேதங், மஹாராஜ, தே²ரேஹி த⁴ம்மஸங்கா³ஹகேஹி –
5. ‘‘Bhante nāgasena, ‘dīpikassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, dīpiko araññe tiṇagahanaṃ vā vanagahanaṃ vā pabbatagahanaṃ vā nissāya nilīyitvā mige gaṇhāti, evameva kho, mahārāja, yoginā yogāvacarena vivekaṃ sevitabbaṃ araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ appasaddaṃ appanigghosaṃ vijanavātaṃ manussarāhaseyyakaṃ paṭisallānasāruppaṃ; vivekaṃ sevamāno hi, mahārāja, yogī yogāvacaro nacirasseva chaḷabhiññāsu ca vasibhāvaṃ pāpuṇāti. Idaṃ, mahārāja, dīpikassa paṭhamaṃ aṅgaṃ gahetabbaṃ. Bhāsitampetaṃ, mahārāja, therehi dhammasaṅgāhakehi –
‘‘‘யதா²பி தீ³பிகோ நாம, நிலீயித்வா க³ண்ஹதே 1 மிகே³;
‘‘‘Yathāpi dīpiko nāma, nilīyitvā gaṇhate 2 mige;
ததே²வாயங் பு³த்³த⁴புத்தோ, யுத்தயோகோ³ விபஸ்ஸகோ;
Tathevāyaṃ buddhaputto, yuttayogo vipassako;
அரஞ்ஞங் பவிஸித்வான, க³ண்ஹாதி ப²லமுத்தம’ந்தி.
Araññaṃ pavisitvāna, gaṇhāti phalamuttama’nti.
‘‘புன சபரங், மஹாராஜ, தீ³பிகோ யங் கிஞ்சி பஸுங் வதி⁴த்வா வாமேன பஸ்ஸேன பதிதங் ந ப⁴க்கே²தி. ஏவமேவ கோ², மஹாராஜ, யோகி³னா யோகா³வசரேன வேளுதா³னேன வா பத்ததா³னேன வா புப்ப²தா³னேன வா ப²லதா³னேன வா ஸினானதா³னேன வா மத்திகாதா³னேன வா சுண்ணதா³னேன வா த³ந்தகட்ட²தா³னேன வா முகோ²த³கதா³னேன வா சாதுகம்யதாய வா முக்³க³ஸுப்யதாய 3 வா பாரிப⁴ட 4 யதாய வா ஜங்க⁴பேஸனீயேன வா வேஜ்ஜகம்மேன வா தூ³தகம்மேன வா பஹிணக³மனேன வா பிண்ட³படிபிண்டே³ன வா தா³னானுப்பதா³னேன வா வத்து²விஜ்ஜாய வா நக்க²த்தவிஜ்ஜாய வா அங்க³விஜ்ஜாய 5 வா அஞ்ஞதரஞ்ஞதரேன வா பு³த்³த⁴ப்படிகுட்டே²ன மிச்சா²ஜீவேன நிப்பா²தி³தங் போ⁴ஜனங் ந பு⁴ஞ்ஜிதப்³ப³ங் 6 வாமேன பஸ்ஸேன பதிதங் பஸுங் விய தீ³பிகோ. இத³ங், மஹாராஜ, தீ³பிகஸ்ஸ து³தியங் அங்க³ங் க³ஹேதப்³ப³ங். பா⁴ஸிதம்பேதங், மஹாராஜ, தே²ரேன ஸாரிபுத்தேன த⁴ம்மஸேனாபதினா –
‘‘Puna caparaṃ, mahārāja, dīpiko yaṃ kiñci pasuṃ vadhitvā vāmena passena patitaṃ na bhakkheti. Evameva kho, mahārāja, yoginā yogāvacarena veḷudānena vā pattadānena vā pupphadānena vā phaladānena vā sinānadānena vā mattikādānena vā cuṇṇadānena vā dantakaṭṭhadānena vā mukhodakadānena vā cātukamyatāya vā muggasupyatāya 7 vā pāribhaṭa 8 yatāya vā jaṅghapesanīyena vā vejjakammena vā dūtakammena vā pahiṇagamanena vā piṇḍapaṭipiṇḍena vā dānānuppadānena vā vatthuvijjāya vā nakkhattavijjāya vā aṅgavijjāya 9 vā aññataraññatarena vā buddhappaṭikuṭṭhena micchājīvena nipphāditaṃ bhojanaṃ na bhuñjitabbaṃ 10 vāmena passena patitaṃ pasuṃ viya dīpiko. Idaṃ, mahārāja, dīpikassa dutiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘வசீவிஞ்ஞத்திவிப்பா²ரா, உப்பன்னங் மது⁴பாயஸங்;
‘‘‘Vacīviññattivipphārā, uppannaṃ madhupāyasaṃ;
ஸசே பு⁴த்தோ ப⁴வெய்யாஹங், ஸாஜீவோ க³ரஹிதோ மம.
Sace bhutto bhaveyyāhaṃ, sājīvo garahito mama.
‘‘‘யதி³பி மே அந்தகு³ணங், நிக்க²மித்வா ப³ஹீ சரே;
‘‘‘Yadipi me antaguṇaṃ, nikkhamitvā bahī care;
நேவ பி⁴ந்தெ³ய்யமாஜீவங், சஜமானோபி ஜீவித’’’ந்தி.
Neva bhindeyyamājīvaṃ, cajamānopi jīvita’’’nti.
தீ³பிகங்க³பஞ்ஹோ பஞ்சமோ.
Dīpikaṅgapañho pañcamo.
Footnotes:
