| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
দিগুণাদিউপাহনপটিক্খেপকথাৰণ্ণনা
Diguṇādiupāhanapaṭikkhepakathāvaṇṇanā
২৪৫. সকটৰাহেতি দ্ৰীহি সকটেহি পরিচ্ছিন্নে ৰাহে। ‘‘ৰাহে’’তি বহুৰচনস্স হিরঞ্ঞৰিসেসনত্তেপি সামঞ্ঞাপেক্খায ‘‘হিরঞ্ঞ’’ন্তি একৰচনং কতং।
245.Sakaṭavāheti dvīhi sakaṭehi paricchinne vāhe. ‘‘Vāhe’’ti bahuvacanassa hiraññavisesanattepi sāmaññāpekkhāya ‘‘hirañña’’nti ekavacanaṃ kataṃ.
২৪৬. অদ্দারিট্ঠকৰণ্ণাতি অল্লারিট্ঠফলৰণ্ণা, তিন্তকাকপক্খৰণ্ণাতিপি ৰদন্তি। রজনন্তি উপলিত্তং নীলাদিৰণ্ণং সন্ধায ৰুত্তং। তেনাহ ‘‘চোল়কেন পুঞ্ছিত্ৰা’’তি। তঞ্হি তথা পুঞ্ছিতে ৰিগচ্ছতি। যং পন চম্মস্স দুগ্গন্ধাপনযনত্থং কাল়রত্তাদিরজনেহি রঞ্জিতত্তা কাল়রত্তাদিৰণ্ণং হোতি, তং চোল়াদীহি অপনেতুং ন সক্কা চম্মগতিকমেৰ, তস্মা তং ৰট্টতীতি দট্ঠব্বং।
246.Addāriṭṭhakavaṇṇāti allāriṭṭhaphalavaṇṇā, tintakākapakkhavaṇṇātipi vadanti. Rajananti upalittaṃ nīlādivaṇṇaṃ sandhāya vuttaṃ. Tenāha ‘‘coḷakena puñchitvā’’ti. Tañhi tathā puñchite vigacchati. Yaṃ pana cammassa duggandhāpanayanatthaṃ kāḷarattādirajanehi rañjitattā kāḷarattādivaṇṇaṃ hoti, taṃ coḷādīhi apanetuṃ na sakkā cammagatikameva, tasmā taṃ vaṭṭatīti daṭṭhabbaṃ.
খল্লকন্তি সব্বপণ্হিপিধানচম্মং, অপরিগল়নত্থং পণ্হিউপরিভাগে অপিধায আরোপনবন্ধনমত্তং ৰট্টতি। ৰিচিত্রাতি সণ্ঠানতো ৰিচিত্রপটা অধিপ্পেতা, ন ৰণ্ণতো সব্বসো অপনেতব্বেসু খল্লকাদীসু পৰিট্ঠত্তা। বিল়ালসদিসমুখত্তা মহাউলূকা ‘‘পক্খিবিল়ালা’’তি ৰুচ্চতি, তেসং চম্মং নাম পক্খলোমমেৰ।
Khallakanti sabbapaṇhipidhānacammaṃ, aparigaḷanatthaṃ paṇhiuparibhāge apidhāya āropanabandhanamattaṃ vaṭṭati. Vicitrāti saṇṭhānato vicitrapaṭā adhippetā, na vaṇṇato sabbaso apanetabbesu khallakādīsu paviṭṭhattā. Biḷālasadisamukhattā mahāulūkā ‘‘pakkhibiḷālā’’ti vuccati, tesaṃ cammaṃ nāma pakkhalomameva.
দিগুণাদিউপাহনপটিক্খেপকথাৰণ্ণনা নিট্ঠিতা।
Diguṇādiupāhanapaṭikkhepakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৪৮. দিগুণাদিউপাহনপটিক্খেপো • 148. Diguṇādiupāhanapaṭikkhepo
১৪৯. সব্বনীলিকাদিপটিক্খেপো • 149. Sabbanīlikādipaṭikkhepo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā
দিগুণাদিউপাহনপটিক্খেপকথা • Diguṇādiupāhanapaṭikkhepakathā
সব্বনীলিকাদিপটিক্খেপকথা • Sabbanīlikādipaṭikkhepakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / সব্বনীলিকাদিপটিক্খেপকথাৰণ্ণনা • Sabbanīlikādipaṭikkhepakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / সব্বনীলিকাদিপটিক্খেপকথাৰণ্ণনা • Sabbanīlikādipaṭikkhepakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১৪৮. দিগুণাদিউপাহনপটিক্খেপকথা • 148. Diguṇādiupāhanapaṭikkhepakathā
১৪৯. সব্বনীলিকাদিপটিক্খেপকথা • 149. Sabbanīlikādipaṭikkhepakathā
