| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๑๐. ทีฆฎฺฐิปโญฺห
10. Dīghaṭṭhipañho
๑๐. ราชา อาห ‘‘ภเนฺต นาคเสน, ตุเมฺห เอวํ ภณถ ‘อฎฺฐิกานิ ทีฆานิ โยชนสติกานิปี’ติ, รุโกฺขปิ ตาว นตฺถิ โยชนสติโก, กุโต ปน อฎฺฐิกานิ ทีฆานิ โยชนสติกานิ ภวิสฺสนฺตี’’ติ?
10. Rājā āha ‘‘bhante nāgasena, tumhe evaṃ bhaṇatha ‘aṭṭhikāni dīghāni yojanasatikānipī’ti, rukkhopi tāva natthi yojanasatiko, kuto pana aṭṭhikāni dīghāni yojanasatikāni bhavissantī’’ti?
‘‘ตํ กิํ มญฺญสิ, มหาราช, สุตํ เต ‘มหาสมุเทฺท ปญฺจโยชนสติกาปิ มจฺฉา อตฺถี’’’ติ? ‘‘อาม, ภเนฺต, สุต’’นฺติฯ ‘‘นนุ มหาราช, ปญฺจโยชนสติกสฺส มจฺฉสฺส อฎฺฐิกานิ ทีฆานิ ภวิสฺสนฺติ โยชนสติกานิปี’’ติ?
‘‘Taṃ kiṃ maññasi, mahārāja, sutaṃ te ‘mahāsamudde pañcayojanasatikāpi macchā atthī’’’ti? ‘‘Āma, bhante, suta’’nti. ‘‘Nanu mahārāja, pañcayojanasatikassa macchassa aṭṭhikāni dīghāni bhavissanti yojanasatikānipī’’ti?
‘‘กโลฺลสิ , ภเนฺต นาคเสนา’’ติฯ
‘‘Kallosi , bhante nāgasenā’’ti.
ทีฆฎฺฐิปโญฺห ทสโมฯ
Dīghaṭṭhipañho dasamo.
