| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൩. ദീഘലട്ഠിസുത്തം
3. Dīghalaṭṭhisuttaṃ
൯൪. ഏവം മേ സുതം – ഏകം സമയം ഭഗവാ രാജഗഹേ വിഹരതി വേളുവനേ കലന്ദകനിവാപേ. അഥ ഖോ ദീഘലട്ഠി ദേവപുത്തോ അഭിക്കന്തായ രത്തിയാ അഭിക്കന്തവണ്ണോ കേവലകപ്പം വേളുവനം ഓഭാസേത്വാ യേന ഭഗവാ തേനുപസങ്കമി; ഉപസങ്കമിത്വാ ഭഗവന്തം അഭിവാദേത്വാ ഏകമന്തം അട്ഠാസി. ഏകമന്തം ഠിതോ ഖോ ദീഘലട്ഠി ദേവപുത്തോ ഭഗവതോ സന്തികേ ഇമം ഗാഥം അഭാസി –
94. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho dīghalaṭṭhi devaputto abhikkantāya rattiyā abhikkantavaṇṇo kevalakappaṃ veḷuvanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho dīghalaṭṭhi devaputto bhagavato santike imaṃ gāthaṃ abhāsi –
‘‘ഭിക്ഖു സിയാ ഝായീ വിമുത്തചിത്തോ,
‘‘Bhikkhu siyā jhāyī vimuttacitto,
ആകങ്ഖേ ചേ ഹദയസ്സാനുപത്തിം;
Ākaṅkhe ce hadayassānupattiṃ;
ലോകസ്സ ഞത്വാ ഉദയബ്ബയഞ്ച,
Lokassa ñatvā udayabbayañca,
സുചേതസോ അനിസ്സിതോ തദാനിസംസോ’’തി.
Sucetaso anissito tadānisaṃso’’ti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൩. ദീഘലട്ഠിസുത്തവണ്ണനാ • 3. Dīghalaṭṭhisuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൩. ദീഘലട്ഠിസുത്തവണ്ണനാ • 3. Dīghalaṭṭhisuttavaṇṇanā
