| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. དཱིགྷལཊྛིསུཏྟཾ
3. Dīghalaṭṭhisuttaṃ
༩༤. ཨེཝཾ མེ སུཏཾ – ཨེཀཾ སམཡཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ། ཨཐ ཁོ དཱིགྷལཊྛི དེཝཔུཏྟོ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞོ ཀེཝལཀཔྤཾ ཝེལུ༹ཝནཾ ཨོབྷཱསེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི། ཨེཀམནྟཾ ཋིཏོ ཁོ དཱིགྷལཊྛི དེཝཔུཏྟོ བྷགཝཏོ སནྟིཀེ ཨིམཾ གཱཐཾ ཨབྷཱསི –
94. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho dīghalaṭṭhi devaputto abhikkantāya rattiyā abhikkantavaṇṇo kevalakappaṃ veḷuvanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho dīghalaṭṭhi devaputto bhagavato santike imaṃ gāthaṃ abhāsi –
‘‘བྷིཀྑུ སིཡཱ ཛྷཱཡཱི ཝིམུཏྟཙིཏྟོ,
‘‘Bhikkhu siyā jhāyī vimuttacitto,
ཨཱཀངྑེ ཙེ ཧདཡསྶཱནུཔཏྟིཾ།
Ākaṅkhe ce hadayassānupattiṃ;
ལོཀསྶ ཉཏྭཱ ཨུདཡབྦཡཉྩ,
Lokassa ñatvā udayabbayañca,
སུཙེཏསོ ཨནིསྶིཏོ ཏདཱནིསཾསོ’’ཏི༎
Sucetaso anissito tadānisaṃso’’ti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. དཱིགྷལཊྛིསུཏྟཝཎྞནཱ • 3. Dīghalaṭṭhisuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. དཱིགྷལཊྛིསུཏྟཝཎྞནཱ • 3. Dīghalaṭṭhisuttavaṇṇanā
