| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๓. ทีฆลฎฺฐิสุตฺตํ
3. Dīghalaṭṭhisuttaṃ
๙๔. เอวํ เม สุตํ – เอกํ สมยํ ภควา ราชคเห วิหรติ เวฬุวเน กลนฺทกนิวาเปฯ อถ โข ทีฆลฎฺฐิ เทวปุโตฺต อภิกฺกนฺตาย รตฺติยา อภิกฺกนฺตวโณฺณ เกวลกปฺปํ เวฬุวนํ โอภาเสตฺวา เยน ภควา เตนุปสงฺกมิ; อุปสงฺกมิตฺวา ภควนฺตํ อภิวาเทตฺวา เอกมนฺตํ อฎฺฐาสิฯ เอกมนฺตํ ฐิโต โข ทีฆลฎฺฐิ เทวปุโตฺต ภควโต สนฺติเก อิมํ คาถํ อภาสิ –
94. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho dīghalaṭṭhi devaputto abhikkantāya rattiyā abhikkantavaṇṇo kevalakappaṃ veḷuvanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho dīghalaṭṭhi devaputto bhagavato santike imaṃ gāthaṃ abhāsi –
‘‘ภิกฺขุ สิยา ฌายี วิมุตฺตจิโตฺต,
‘‘Bhikkhu siyā jhāyī vimuttacitto,
อากเงฺข เจ หทยสฺสานุปตฺติํ;
Ākaṅkhe ce hadayassānupattiṃ;
โลกสฺส ญตฺวา อุทยพฺพยญฺจ,
Lokassa ñatvā udayabbayañca,
สุเจตโส อนิสฺสิโต ตทานิสํโส’’ติฯ
Sucetaso anissito tadānisaṃso’’ti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. ทีฆลฎฺฐิสุตฺตวณฺณนา • 3. Dīghalaṭṭhisuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓. ทีฆลฎฺฐิสุตฺตวณฺณนา • 3. Dīghalaṭṭhisuttavaṇṇanā
