| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
5. தோ⁴தகமாணவபுச்சா²
5. Dhotakamāṇavapucchā
1067.
1067.
‘‘புச்சா²மி தங் ப⁴க³வா ப்³ரூஹி மே தங், (இச்சாயஸ்மா தோ⁴தகோ)
‘‘Pucchāmi taṃ bhagavā brūhi me taṃ, (iccāyasmā dhotako)
வாசாபி⁴கங்கா²மி மஹேஸி துய்ஹங்;
Vācābhikaṅkhāmi mahesi tuyhaṃ;
தவ ஸுத்வான நிக்³கோ⁴ஸங், ஸிக்கே² நிப்³பா³னமத்தனோ’’.
Tava sutvāna nigghosaṃ, sikkhe nibbānamattano’’.
1068.
1068.
‘‘தேனஹாதப்பங் கரோஹி, (தோ⁴தகாதி ப⁴க³வா) இதே⁴வ நிபகோ ஸதோ;
‘‘Tenahātappaṃ karohi, (dhotakāti bhagavā) idheva nipako sato;
இதோ ஸுத்வான நிக்³கோ⁴ஸங், ஸிக்கே² நிப்³பா³னமத்தனோ’’.
Ito sutvāna nigghosaṃ, sikkhe nibbānamattano’’.
1069.
1069.
‘‘பஸ்ஸாமஹங் தே³வமனுஸ்ஸலோகே, அகிஞ்சனங் ப்³ராஹ்மணமிரியமானங்;
‘‘Passāmahaṃ devamanussaloke, akiñcanaṃ brāhmaṇamiriyamānaṃ;
தங் தங் நமஸ்ஸாமி ஸமந்தசக்கு², பமுஞ்ச மங் ஸக்க கத²ங்கதா²ஹி’’.
Taṃ taṃ namassāmi samantacakkhu, pamuñca maṃ sakka kathaṃkathāhi’’.
1070.
1070.
‘‘நாஹங் ஸஹிஸ்ஸாமி 1 பமோசனாய, கத²ங்கதி²ங் தோ⁴தக கஞ்சி லோகே;
‘‘Nāhaṃ sahissāmi 2 pamocanāya, kathaṃkathiṃ dhotaka kañci loke;
த⁴ம்மஞ்ச ஸெட்ட²ங் அபி⁴ஜானமானோ 3, ஏவங் துவங் ஓக⁴மிமங் தரேஸி’’.
Dhammañca seṭṭhaṃ abhijānamāno 4, evaṃ tuvaṃ oghamimaṃ taresi’’.
1071.
1071.
‘‘அனுஸாஸ ப்³ரஹ்மே கருணாயமானோ, விவேகத⁴ம்மங் யமஹங் விஜஞ்ஞங்;
‘‘Anusāsa brahme karuṇāyamāno, vivekadhammaṃ yamahaṃ vijaññaṃ;
யதா²ஹங் ஆகாஸோவ அப்³யாபஜ்ஜமானோ, இதே⁴வ ஸந்தோ அஸிதோ சரெய்யங்’’.
Yathāhaṃ ākāsova abyāpajjamāno, idheva santo asito careyyaṃ’’.
1072.
1072.
‘‘கித்தயிஸ்ஸாமி தே ஸந்திங், (தோ⁴தகாதி ப⁴க³வா) தி³ட்டே² த⁴ம்மே அனீதிஹங்;
‘‘Kittayissāmi te santiṃ, (dhotakāti bhagavā) diṭṭhe dhamme anītihaṃ;
யங் விதி³த்வா ஸதோ சரங், தரே லோகே விஸத்திகங்’’.
Yaṃ viditvā sato caraṃ, tare loke visattikaṃ’’.
1073.
1073.
‘‘தஞ்சாஹங் அபி⁴னந்தா³மி, மஹேஸி ஸந்திமுத்தமங்;
‘‘Tañcāhaṃ abhinandāmi, mahesi santimuttamaṃ;
யங் விதி³த்வா ஸதோ சரங், தரே லோகே விஸத்திகங்’’.
Yaṃ viditvā sato caraṃ, tare loke visattikaṃ’’.
1074.
1074.
‘‘யங் கிஞ்சி ஸம்பஜானாஸி, (தோ⁴தகாதி ப⁴க³வா)
‘‘Yaṃ kiñci sampajānāsi, (dhotakāti bhagavā)
உத்³த⁴ங் அதோ⁴ திரியஞ்சாபி மஜ்ஜே²;
Uddhaṃ adho tiriyañcāpi majjhe;
ஏதங் விதி³த்வா ஸங்கோ³தி லோகே, ப⁴வாப⁴வாய மாகாஸி தண்ஹ’’ந்தி.
Etaṃ viditvā saṅgoti loke, bhavābhavāya mākāsi taṇha’’nti.
தோ⁴தகமாணவபுச்சா² பஞ்சமீ நிட்டி²தா.
Dhotakamāṇavapucchā pañcamī niṭṭhitā.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 5. தோ⁴தகஸுத்தவண்ணனா • 5. Dhotakasuttavaṇṇanā
