| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೫. ಧಾತುಸುತ್ತಂ
5. Dhātusuttaṃ
೧೧೧. ‘‘ತಯೋಮೇ, ಭಿಕ್ಖವೇ, ಧಮ್ಮಾ। ಕತಮೇ ತಯೋ? ಕಾಮಧಾತು, ಬ್ಯಾಪಾದಧಾತು, ವಿಹಿಂಸಾಧಾತು। ಇಮೇ ಖೋ, ಭಿಕ್ಖವೇ, ತಯೋ ಧಮ್ಮಾ। ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ತಯೋ ಧಮ್ಮಾ ಭಾವೇತಬ್ಬಾ। ಕತಮೇ ತಯೋ? ಕಾಮಧಾತುಯಾ ಪಹಾನಾಯ ನೇಕ್ಖಮ್ಮಧಾತು ಭಾವೇತಬ್ಬಾ, ಬ್ಯಾಪಾದಧಾತುಯಾ ಪಹಾನಾಯ ಅಬ್ಯಾಪಾದಧಾತು ಭಾವೇತಬ್ಬಾ, ವಿಹಿಂಸಾಧಾತುಯಾ ಪಹಾನಾಯ ಅವಿಹಿಂಸಾಧಾತು ಭಾವೇತಬ್ಬಾ। ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ಇಮೇ ತಯೋ ಧಮ್ಮಾ ಭಾವೇತಬ್ಬಾ’’ತಿ। ಪಞ್ಚಮಂ।
111. ‘‘Tayome, bhikkhave, dhammā. Katame tayo? Kāmadhātu, byāpādadhātu, vihiṃsādhātu. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Kāmadhātuyā pahānāya nekkhammadhātu bhāvetabbā, byāpādadhātuyā pahānāya abyāpādadhātu bhāvetabbā, vihiṃsādhātuyā pahānāya avihiṃsādhātu bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Pañcamaṃ.
Related texts:
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೧. ಪಾತುಭಾವಸುತ್ತಾದಿವಣ್ಣನಾ • 1-11. Pātubhāvasuttādivaṇṇanā
