| Library / Tipiṭaka / ติปิฎก • Tipiṭaka / พุทฺธวํสปาฬิ • Buddhavaṃsapāḷi |
๒๙. ธาตุภาชนียกถา
29. Dhātubhājanīyakathā
๑.
1.
มหาโคตโม ชินวโร, กุสินารมฺหิ นิพฺพุโต;
Mahāgotamo jinavaro, kusināramhi nibbuto;
ธาตุวิตฺถาริกํ อาสิ, เตสุ เตสุ ปเทสโตฯ
Dhātuvitthārikaṃ āsi, tesu tesu padesato.
๒.
2.
เอโก อชาตสตฺตุสฺส, เอโก เวสาลิยา ปุเร;
Eko ajātasattussa, eko vesāliyā pure;
เอโก กปิลวตฺถุสฺมิํ, เอโก จ อลฺลกปฺปเกฯ
Eko kapilavatthusmiṃ, eko ca allakappake.
๓.
3.
เอโก จ รามคามมฺหิ, เอโก จ เวฐทีปเก;
Eko ca rāmagāmamhi, eko ca veṭhadīpake;
เอโก ปาเวยฺยเก มเลฺล, เอโก จ โกสินารเกฯ
Eko pāveyyake malle, eko ca kosinārake.
๔.
4.
กุมฺภสฺส ถูปํ กาเรสิ, พฺราหฺมโณ โทณสวฺหโย;
Kumbhassa thūpaṃ kāresi, brāhmaṇo doṇasavhayo;
องฺคารถูปํ กาเรสุํ, โมริยา ตุฎฺฐมานสาฯ
Aṅgārathūpaṃ kāresuṃ, moriyā tuṭṭhamānasā.
๕.
5.
อฎฺฐ สารีริกา ถูปา, นวโม กุมฺภเจติโย;
Aṭṭha sārīrikā thūpā, navamo kumbhacetiyo;
องฺคารถูโป ทสโม, ตทาเยว ปติฎฺฐิโตฯ
Aṅgārathūpo dasamo, tadāyeva patiṭṭhito.
๖.
6.
อุณฺหีสํ จตโสฺส ทาฐา, อกฺขกา เทฺว จ ธาตุโย;
Uṇhīsaṃ catasso dāṭhā, akkhakā dve ca dhātuyo;
อสมฺภินฺนา อิมา สตฺต, เสสา ภินฺนาว ธาตุโยฯ
Asambhinnā imā satta, sesā bhinnāva dhātuyo.
๗.
7.
ขุทฺทกา สาสปมตฺตา จ, นานาวณฺณา จ ธาตุโยฯ
Khuddakā sāsapamattā ca, nānāvaṇṇā ca dhātuyo.
๘.
8.
มหนฺตา สุวณฺณวณฺณา จ, มุตฺตวณฺณา จ มชฺฌิมา;
Mahantā suvaṇṇavaṇṇā ca, muttavaṇṇā ca majjhimā;
ขุทฺทกา มกุลวณฺณา จ, โสฬสโทณมตฺติกาฯ
Khuddakā makulavaṇṇā ca, soḷasadoṇamattikā.
๙.
9.
มหนฺตา ปญฺจ นาฬิโย, นาฬิโย ปญฺจ มชฺฌิมา;
Mahantā pañca nāḷiyo, nāḷiyo pañca majjhimā;
ขุทฺทกา ฉ นาฬี เจว, เอตา สพฺพาปิ ธาตุโยฯ
Khuddakā cha nāḷī ceva, etā sabbāpi dhātuyo.
๑๐.
10.
อุณฺหีสํ สีหเฬ ทีเป, พฺรหฺมโลเก จ วามกํ;
Uṇhīsaṃ sīhaḷe dīpe, brahmaloke ca vāmakaṃ;
สีหเฬ ทกฺขิณกฺขญฺจ, สพฺพาเปตา ปติฎฺฐิตาฯ
Sīhaḷe dakkhiṇakkhañca, sabbāpetā patiṭṭhitā.
๑๑.
11.
เอกา ทาฐา ติทสปุเร, เอกา นาคปุเร อหุ;
Ekā dāṭhā tidasapure, ekā nāgapure ahu;
เอกา คนฺธารวิสเย, เอกา กลิงฺคราชิโนฯ
Ekā gandhāravisaye, ekā kaliṅgarājino.
๑๒.
12.
จตฺตาลีสสมา ทนฺตา, เกสา โลมา จ สพฺพโส;
Cattālīsasamā dantā, kesā lomā ca sabbaso;
เทวา หริํสุ เอเกกํ, จกฺกวาฬปรมฺปราฯ
Devā hariṃsu ekekaṃ, cakkavāḷaparamparā.
๑๓.
13.
วชิรายํ ภควโต, ปโตฺต ทณฺฑญฺจ จีวรํ;
Vajirāyaṃ bhagavato, patto daṇḍañca cīvaraṃ;
๑๔.
14.
ปาฎลิปุตฺตปุรมฺหิ, กรณํ กายพนฺธนํ;
Pāṭaliputtapuramhi, karaṇaṃ kāyabandhanaṃ;
จมฺปายุทกสาฎิยํ, อุณฺณโลมญฺจ โกสเลฯ
Campāyudakasāṭiyaṃ, uṇṇalomañca kosale.
๑๕.
15.
กาสาวํ พฺรหฺมโลเก จ, เวฐนํ ติทเส ปุเร;
Kāsāvaṃ brahmaloke ca, veṭhanaṃ tidase pure;
๑๖.
16.
อรณี จ มิถิลายํ, วิเทเห ปริสาวนํ;
Araṇī ca mithilāyaṃ, videhe parisāvanaṃ;
วาสิ สูจิฆรญฺจาปิ, อินฺทปตฺถปุเร ตทาฯ
Vāsi sūcigharañcāpi, indapatthapure tadā.
๑๗.
17.
ปริกฺขารา อวเสสา, ชนปเท อปรนฺตเก;
Parikkhārā avasesā, janapade aparantake;
ปริภุตฺตานิ มุนินา, อกํสุ มนุชา ตทาฯ
Paribhuttāni muninā, akaṃsu manujā tadā.
๑๘.
18.
ธาตุวิตฺถาริกํ อาสิ, โคตมสฺส มเหสิโน;
Dhātuvitthārikaṃ āsi, gotamassa mahesino;
ปาณีนํ อนุกมฺปาย, อหุ โปราณิกํ ตทาติฯ
Pāṇīnaṃ anukampāya, ahu porāṇikaṃ tadāti.
ธาตุภาชนียกถา นิฎฺฐิตาฯ
Dhātubhājanīyakathā niṭṭhitā.
พุทฺธวํโสนิฎฺฐิโตฯ
Buddhavaṃsoniṭṭhito.
Footnotes:
