| Library / Tipiṭaka / තිපිටක • Tipiṭaka / පාචිත්යාදියොජනාපාළි • Pācityādiyojanāpāḷi |
5. ධම්මිකාධම්මිකපාතිමොක්ඛට්ඨපනකථා
5. Dhammikādhammikapātimokkhaṭṭhapanakathā
387. තෙන පුග්ගලෙනාති තෙන චුදිතකෙන පුග්ගලෙන. සා විපත්තීති සීලවිපත්තිආදිසඞ්ඛාතා සා විපත්ති. සඤ්ඤාඅමූලිකවසෙනාති ‘‘කතා’’ ඉති සඤ්ඤාය අමූලිකවසෙන. කතඤ්චාති එකන්තෙන කතඤ්ච. අකතඤ්චාති එකන්තෙන අකතඤ්ච.
387.Tena puggalenāti tena cuditakena puggalena. Sā vipattīti sīlavipattiādisaṅkhātā sā vipatti. Saññāamūlikavasenāti ‘‘katā’’ iti saññāya amūlikavasena. Katañcāti ekantena katañca. Akatañcāti ekantena akatañca.
කොපෙතුකාමතාය නෙව ආගච්ඡතීති සම්බන්ධො. තෙනාති අනාගමනාදිකාරණෙන. ආපජ්ජතීති පාතිමොක්ඛට්ඨපනකො ආපජ්ජති. ඉච්චස්සාපීති ඉති එවං අස්ස පාතිමොක්ඛට්ඨපනකස්සාපි . පච්චාදියතීති පති ආදියති, ‘‘අකතං කම්මං, පුන කාතබ්බං කම්ම’’න්තිආදිනා පුන ආදීයති, පුන ආරභතීති අත්ථො.
Kopetukāmatāya neva āgacchatīti sambandho. Tenāti anāgamanādikāraṇena. Āpajjatīti pātimokkhaṭṭhapanako āpajjati. Iccassāpīti iti evaṃ assa pātimokkhaṭṭhapanakassāpi . Paccādiyatīti pati ādiyati, ‘‘akataṃ kammaṃ, puna kātabbaṃ kamma’’ntiādinā puna ādīyati, puna ārabhatīti attho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්ගපාළි • Cūḷavaggapāḷi / 5. ධම්මිකාධම්මිකපාතිමොක්ඛට්ඨපනං • 5. Dhammikādhammikapātimokkhaṭṭhapanaṃ
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / චූළවග්ග-අට්ඨකථා • Cūḷavagga-aṭṭhakathā / ධම්මිකාධම්මිකපාතිමොක්ඛට්ඨපනකථා • Dhammikādhammikapātimokkhaṭṭhapanakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්ථදීපනී-ටීකා • Sāratthadīpanī-ṭīkā / ධම්මිකාධම්මිකපාතිමොක්ඛට්ඨපනකථාවණ්ණනා • Dhammikādhammikapātimokkhaṭṭhapanakathāvaṇṇanā
