| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. д̇хаммаваад̣̇ийбан̃хаасуд̇д̇ам̣
3. Dhammavādīpañhāsuttaṃ
316. ‘‘гз ну ко, аавусо саарибуд̇д̇а, логз д̇хаммаваад̣̇ино, гз логз суббадибаннаа, гз логз суг̇ад̇аа’’д̇и? ‘‘яз ко, аавусо, рааг̇аббахаанааяа д̇хаммам̣ д̣̇зсзнд̇и, д̣̇осаббахаанааяа д̇хаммам̣ д̣̇зсзнд̇и, мохаббахаанааяа д̇хаммам̣ д̣̇зсзнд̇и, д̇з логз д̇хаммаваад̣̇ино. яз ко, аавусо, рааг̇асса бахаанааяа бадибаннаа, д̣̇осасса бахаанааяа бадибаннаа, мохасса бахаанааяа бадибаннаа, д̇з логз суббадибаннаа. язсам̣ ко, аавусо, рааг̇о бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо, д̣̇осо бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо, мохо бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо, д̇з логз суг̇ад̇аа’’д̇и.
316. ‘‘Ke nu kho, āvuso sāriputta, loke dhammavādino, ke loke suppaṭipannā, ke loke sugatā’’ti? ‘‘Ye kho, āvuso, rāgappahānāya dhammaṃ desenti, dosappahānāya dhammaṃ desenti, mohappahānāya dhammaṃ desenti, te loke dhammavādino. Ye kho, āvuso, rāgassa pahānāya paṭipannā, dosassa pahānāya paṭipannā, mohassa pahānāya paṭipannā, te loke suppaṭipannā. Yesaṃ kho, āvuso, rāgo pahīno ucchinnamūlo tālāvatthukato anabhāvaṅkato āyatiṃ anuppādadhammo, doso pahīno ucchinnamūlo tālāvatthukato anabhāvaṅkato āyatiṃ anuppādadhammo, moho pahīno ucchinnamūlo tālāvatthukato anabhāvaṅkato āyatiṃ anuppādadhammo, te loke sugatā’’ti.
‘‘ад̇т̇и банаавусо, маг̇г̇о ад̇т̇и бадибад̣̇аа зд̇асса рааг̇асса д̣̇осасса мохасса бахаанааяаа’’д̇и? ‘‘ад̇т̇и ко, аавусо, маг̇г̇о ад̇т̇и бадибад̣̇аа зд̇асса рааг̇асса д̣̇осасса мохасса бахаанааяаа’’д̇и. ‘‘гад̇амо, банаавусо, маг̇г̇о гад̇амаа бадибад̣̇аа зд̇асса рааг̇асса д̣̇осасса мохасса бахаанааяаа’’д̇и? ‘‘аяамзва ко, аавусо, арияо адтан̇г̇иго маг̇г̇о зд̇асса рааг̇асса д̣̇осасса мохасса бахаанааяа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко, аавусо, маг̇г̇о аяам̣ бадибад̣̇аа зд̇асса рааг̇асса д̣̇осасса мохасса бахаанааяаа’’д̇и. ‘‘бхад̣̇д̣̇аго, аавусо, маг̇г̇о бхад̣̇д̣̇игаа бадибад̣̇аа, зд̇асса рааг̇асса д̣̇осасса мохасса бахаанааяа. алан̃жа банаавусо саарибуд̇д̇а, аббамаад̣̇ааяаа’’д̇и. д̇ад̇ияам̣.
‘‘Atthi panāvuso, maggo atthi paṭipadā etassa rāgassa dosassa mohassa pahānāyā’’ti? ‘‘Atthi kho, āvuso, maggo atthi paṭipadā etassa rāgassa dosassa mohassa pahānāyā’’ti. ‘‘Katamo, panāvuso, maggo katamā paṭipadā etassa rāgassa dosassa mohassa pahānāyā’’ti? ‘‘Ayameva kho, āvuso, ariyo aṭṭhaṅgiko maggo etassa rāgassa dosassa mohassa pahānāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā etassa rāgassa dosassa mohassa pahānāyā’’ti. ‘‘Bhaddako, āvuso, maggo bhaddikā paṭipadā, etassa rāgassa dosassa mohassa pahānāya. Alañca panāvuso sāriputta, appamādāyā’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-15. д̇хаммаваад̣̇ийбан̃хаасуд̇д̇аад̣̇иван̣н̣анаа • 3-15. Dhammavādīpañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-15. д̇хаммаваад̣̇ийбан̃хасуд̇д̇аад̣̇иван̣н̣анаа • 3-15. Dhammavādīpañhasuttādivaṇṇanā
