| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൯. ധമ്മട്ഠിതതാകഥാവണ്ണനാ
9. Dhammaṭṭhitatākathāvaṇṇanā
൬൨൭. ഇദാനി ധമ്മട്ഠിതതാകഥാ നാമ ഹോതി. തത്ഥ ‘‘ഠിതാവ സാ ധാതൂ’’തി വചനം നിസ്സായ ‘‘പടിച്ചസമുപ്പാദസങ്ഖാതാ ധമ്മട്ഠിതതാ നാമ ഏകാ അത്ഥി, സാ ച പരിനിപ്ഫന്നാ’’തി യേസം ലദ്ധി, സേയ്യഥാപി അന്ധകാനം; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘യദി പരിനിപ്ഫന്നാനം അവിജ്ജാദീനം അഞ്ഞാ ധമ്മട്ഠിതതാ നാമ പരിനിപ്ഫന്നാ അത്ഥി, തായപി ച തേ ധമ്മട്ഠിതതായ അഞ്ഞാ ഠിതതാ പരിനിപ്ഫന്നാ ആപജ്ജതീ’’തി ചോദേതും തായ ഠിതതാതിആദിമാഹ. പരവാദീ ഏവരൂപായ ലദ്ധിയാ അഭാവേന പടിക്ഖിപതി. ദുതിയം പുട്ഠോ അനന്തരപച്ചയതഞ്ചേവ അഞ്ഞമഞ്ഞപച്ചയതഞ്ച സന്ധായ പടിജാനാതി. സേസം ഹേട്ഠാ വുത്തനയത്താ ഉത്താനത്ഥമേവാതി.
627. Idāni dhammaṭṭhitatākathā nāma hoti. Tattha ‘‘ṭhitāva sā dhātū’’ti vacanaṃ nissāya ‘‘paṭiccasamuppādasaṅkhātā dhammaṭṭhitatā nāma ekā atthi, sā ca parinipphannā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi parinipphannānaṃ avijjādīnaṃ aññā dhammaṭṭhitatā nāma parinipphannā atthi, tāyapi ca te dhammaṭṭhitatāya aññā ṭhitatā parinipphannā āpajjatī’’ti codetuṃ tāya ṭhitatātiādimāha. Paravādī evarūpāya laddhiyā abhāvena paṭikkhipati. Dutiyaṃ puṭṭho anantarapaccayatañceva aññamaññapaccayatañca sandhāya paṭijānāti. Sesaṃ heṭṭhā vuttanayattā uttānatthamevāti.
ധമ്മട്ഠിതതാകഥാവണ്ണനാ.
Dhammaṭṭhitatākathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൧൪) ൯. ധമ്മട്ഠിതതാകഥാ • (114) 9. Dhammaṭṭhitatākathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൯. ധമ്മട്ഠിതതാകഥാവണ്ണനാ • 9. Dhammaṭṭhitatākathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൯. ധമ്മട്ഠിതതാകഥാവണ്ണനാ • 9. Dhammaṭṭhitatākathāvaṇṇanā
