| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༩. དྷམྨཊྛིཏཏཱཀཐཱཝཎྞནཱ
9. Dhammaṭṭhitatākathāvaṇṇanā
༦༢༧. ཨིདཱནི དྷམྨཊྛིཏཏཱཀཐཱ ནཱམ ཧོཏི། ཏཏྠ ‘‘ཋིཏཱཝ སཱ དྷཱཏཱུ’’ཏི ཝཙནཾ ནིསྶཱཡ ‘‘པཊིཙྩསམུཔྤཱདསངྑཱཏཱ དྷམྨཊྛིཏཏཱ ནཱམ ཨེཀཱ ཨཏྠི, སཱ ཙ པརིནིཔྥནྣཱ’’ཏི ཡེསཾ ལདྡྷི, སེཡྻཐཱཔི ཨནྡྷཀཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘ཡདི པརིནིཔྥནྣཱནཾ ཨཝིཛྫཱདཱིནཾ ཨཉྙཱ དྷམྨཊྛིཏཏཱ ནཱམ པརིནིཔྥནྣཱ ཨཏྠི, ཏཱཡཔི ཙ ཏེ དྷམྨཊྛིཏཏཱཡ ཨཉྙཱ ཋིཏཏཱ པརིནིཔྥནྣཱ ཨཱཔཛྫཏཱི’’ཏི ཙོདེཏུཾ ཏཱཡ ཋིཏཏཱཏིཨཱདིམཱཧ། པརཝཱདཱི ཨེཝརཱུཔཱཡ ལདྡྷིཡཱ ཨབྷཱཝེན པཊིཀྑིཔཏི། དུཏིཡཾ པུཊྛོ ཨནནྟརཔཙྩཡཏཉྩེཝ ཨཉྙམཉྙཔཙྩཡཏཉྩ སནྡྷཱཡ པཊིཛཱནཱཏི། སེསཾ ཧེཊྛཱ ཝུཏྟནཡཏྟཱ ཨུཏྟཱནཏྠམེཝཱཏི།
627. Idāni dhammaṭṭhitatākathā nāma hoti. Tattha ‘‘ṭhitāva sā dhātū’’ti vacanaṃ nissāya ‘‘paṭiccasamuppādasaṅkhātā dhammaṭṭhitatā nāma ekā atthi, sā ca parinipphannā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi parinipphannānaṃ avijjādīnaṃ aññā dhammaṭṭhitatā nāma parinipphannā atthi, tāyapi ca te dhammaṭṭhitatāya aññā ṭhitatā parinipphannā āpajjatī’’ti codetuṃ tāya ṭhitatātiādimāha. Paravādī evarūpāya laddhiyā abhāvena paṭikkhipati. Dutiyaṃ puṭṭho anantarapaccayatañceva aññamaññapaccayatañca sandhāya paṭijānāti. Sesaṃ heṭṭhā vuttanayattā uttānatthamevāti.
དྷམྨཊྛིཏཏཱཀཐཱཝཎྞནཱ།
Dhammaṭṭhitatākathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༡༤) ༩. དྷམྨཊྛིཏཏཱཀཐཱ • (114) 9. Dhammaṭṭhitatākathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༩. དྷམྨཊྛིཏཏཱཀཐཱཝཎྞནཱ • 9. Dhammaṭṭhitatākathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༩. དྷམྨཊྛིཏཏཱཀཐཱཝཎྞནཱ • 9. Dhammaṭṭhitatākathāvaṇṇanā
