| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૯. ધમ્મટ્ઠિતતાકથાવણ્ણના
9. Dhammaṭṭhitatākathāvaṇṇanā
૬૨૭. અવિજ્જાય યા ઠિતતાતિ અવિજ્જાય સઙ્ખારાનં અનન્તરપચ્ચયભાવે યા નિયતતા ધમ્મનિયામતાસઙ્ખાતા, યા ઠિતસભાવતા નિપ્ફન્ના , ન ધમ્મમત્તતાટ્ઠિતતાય નિપ્ફન્નાય વસેન, અનન્તરપચ્ચયભાવસઙ્ખાતા ઠિતતા પચ્ચયતા હોતીતિ અત્થો. અઞ્ઞમઞ્ઞપચ્ચયભાવરહિતસ્સાતિ ઇદં સહજાતનિસ્સયાદિપચ્ચયાનં પટિક્ખેપપદં દટ્ઠબ્બં, ન અઞ્ઞમઞ્ઞપચ્ચયતામત્તસ્સ. સબ્બો તાદિસોતિ ઇમિના સમનન્તરઅનન્તરૂપનિસ્સયનત્થિવિગતાસેવનાદિકં સઙ્ગણ્હાતિ. અઞ્ઞમઞ્ઞપચ્ચયતઞ્ચાતિ એત્થાપિ વુત્તનયેન અત્થો વેદિતબ્બો. એત્થ પન પચ્ચયુપ્પન્નસ્સપિ પચ્ચયભાવતો સઙ્ખારાનમ્પિ વસેન યોજેતબ્બં. તેનાહ ‘‘તસ્સા ચ ઇતરા’’તિ.
627. Avijjāyayā ṭhitatāti avijjāya saṅkhārānaṃ anantarapaccayabhāve yā niyatatā dhammaniyāmatāsaṅkhātā, yā ṭhitasabhāvatā nipphannā , na dhammamattatāṭṭhitatāya nipphannāya vasena, anantarapaccayabhāvasaṅkhātā ṭhitatā paccayatā hotīti attho. Aññamaññapaccayabhāvarahitassāti idaṃ sahajātanissayādipaccayānaṃ paṭikkhepapadaṃ daṭṭhabbaṃ, na aññamaññapaccayatāmattassa. Sabbo tādisoti iminā samanantaraanantarūpanissayanatthivigatāsevanādikaṃ saṅgaṇhāti. Aññamaññapaccayatañcāti etthāpi vuttanayena attho veditabbo. Ettha pana paccayuppannassapi paccayabhāvato saṅkhārānampi vasena yojetabbaṃ. Tenāha ‘‘tassā ca itarā’’ti.
ધમ્મટ્ઠિતતાકથાવણ્ણના નિટ્ઠિતા.
Dhammaṭṭhitatākathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૧૪) ૯. ધમ્મટ્ઠિતતાકથા • (114) 9. Dhammaṭṭhitatākathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૯. ધમ્મટ્ઠિતતાકથાવણ્ણના • 9. Dhammaṭṭhitatākathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૯. ધમ્મટ્ઠિતતાકથાવણ્ણના • 9. Dhammaṭṭhitatākathāvaṇṇanā
