| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৯. ধম্মট্ঠিততাকথাৰণ্ণনা
9. Dhammaṭṭhitatākathāvaṇṇanā
৬২৭. ইদানি ধম্মট্ঠিততাকথা নাম হোতি। তত্থ ‘‘ঠিতাৰ সা ধাতূ’’তি ৰচনং নিস্সায ‘‘পটিচ্চসমুপ্পাদসঙ্খাতা ধম্মট্ঠিততা নাম একা অত্থি, সা চ পরিনিপ্ফন্না’’তি যেসং লদ্ধি, সেয্যথাপি অন্ধকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং ‘‘যদি পরিনিপ্ফন্নানং অৰিজ্জাদীনং অঞ্ঞা ধম্মট্ঠিততা নাম পরিনিপ্ফন্না অত্থি, তাযপি চ তে ধম্মট্ঠিততায অঞ্ঞা ঠিততা পরিনিপ্ফন্না আপজ্জতী’’তি চোদেতুং তায ঠিততাতিআদিমাহ। পরৰাদী এৰরূপায লদ্ধিযা অভাৰেন পটিক্খিপতি। দুতিযং পুট্ঠো অনন্তরপচ্চযতঞ্চেৰ অঞ্ঞমঞ্ঞপচ্চযতঞ্চ সন্ধায পটিজানাতি। সেসং হেট্ঠা ৰুত্তনযত্তা উত্তানত্থমেৰাতি।
627. Idāni dhammaṭṭhitatākathā nāma hoti. Tattha ‘‘ṭhitāva sā dhātū’’ti vacanaṃ nissāya ‘‘paṭiccasamuppādasaṅkhātā dhammaṭṭhitatā nāma ekā atthi, sā ca parinipphannā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi parinipphannānaṃ avijjādīnaṃ aññā dhammaṭṭhitatā nāma parinipphannā atthi, tāyapi ca te dhammaṭṭhitatāya aññā ṭhitatā parinipphannā āpajjatī’’ti codetuṃ tāya ṭhitatātiādimāha. Paravādī evarūpāya laddhiyā abhāvena paṭikkhipati. Dutiyaṃ puṭṭho anantarapaccayatañceva aññamaññapaccayatañca sandhāya paṭijānāti. Sesaṃ heṭṭhā vuttanayattā uttānatthamevāti.
ধম্মট্ঠিততাকথাৰণ্ণনা।
Dhammaṭṭhitatākathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১১৪) ৯. ধম্মট্ঠিততাকথা • (114) 9. Dhammaṭṭhitatākathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৯. ধম্মট্ঠিততাকথাৰণ্ণনা • 9. Dhammaṭṭhitatākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৯. ধম্মট্ঠিততাকথাৰণ্ণনা • 9. Dhammaṭṭhitatākathāvaṇṇanā
