| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
९. धम्मतण्हाअब्याकतातिकथावण्णना
9. Dhammataṇhāabyākatātikathāvaṇṇanā
६७६-६८०. इदानि धम्मतण्हा अब्याकतातिकथा नाम होति। तत्थ रूपतण्हा…पे॰… धम्मतण्हाति इमासु छसु तण्हासु यस्मा सब्बपच्छिमा तण्हा धम्मतण्हाति वुत्ता, तस्मा सा अब्याकताति येसं लद्धि, सेय्यथापि पुब्बसेलियानं; ते सन्धाय पुच्छा सकवादिस्स, पटिञ्ञा इतरस्स। सेसपञ्हानं पाळिया अत्थो निय्याति। कामतण्हातिआदीहि तीहि कोट्ठासेहि छपि तण्हा सङ्खिपित्वा दस्सिता। रूपादीसु हि छसु आरम्मणेसु कामस्सादवसेन पवत्ता तण्हा कामतण्हा। ‘‘भविस्सति अत्ता च लोको चा’’ति सस्सतदिट्ठिसहगता तण्हा भवतण्हा। ‘‘न भविस्सती’’ति उच्छेददिट्ठिसहगता तण्हा विभवतण्हाति। ननु सा धम्मतण्हाति पदं तण्हाय धम्मारम्मणं आरब्भ पवत्तिं दीपेति, न अब्याकतभावं तस्मा असाधकन्ति।
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
धम्मतण्हा अब्याकतातिकथावण्णना।
Dhammataṇhā abyākatātikathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१३४) ९. धम्मतण्हा अब्याकतातिकथा • (134) 9. Dhammataṇhā abyākatātikathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ९. धम्मतण्हाअब्याकतातिकथावण्णना • 9. Dhammataṇhāabyākatātikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ९. धम्मतण्हाअब्याकतातिकथावण्णना • 9. Dhammataṇhāabyākatātikathāvaṇṇanā
