| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. ធម្មសញ្ញកត្ថេរអបទានំ
4. Dhammasaññakattheraapadānaṃ
១៣.
13.
‘‘វិបស្សិនោ ភគវតោ, មហាពោធិមហោ អហុ;
‘‘Vipassino bhagavato, mahābodhimaho ahu;
១៤.
14.
‘‘ភគវា តម្ហិ សមយេ, ភិក្ខុសង្ឃបុរក្ខតោ;
‘‘Bhagavā tamhi samaye, bhikkhusaṅghapurakkhato;
ចតុសច្ចំ បកាសេតិ, វាចាសភិមុទីរយំ។
Catusaccaṃ pakāseti, vācāsabhimudīrayaṃ.
១៥.
15.
វិវដ្ដច្ឆទោ សម្ពុទ្ធោ, និព្ពាបេសិ មហាជនំ។
Vivaṭṭacchado sambuddho, nibbāpesi mahājanaṃ.
១៦.
16.
‘‘តស្សាហំ ធម្មំ សុត្វាន, លោកជេដ្ឋស្ស តាទិនោ;
‘‘Tassāhaṃ dhammaṃ sutvāna, lokajeṭṭhassa tādino;
វន្ទិត្វា សត្ថុនោ បាទេ, បក្កាមិំ ឧត្តរាមុខោ។
Vanditvā satthuno pāde, pakkāmiṃ uttarāmukho.
១៧.
17.
‘‘ឯកនវុតិតោ កប្បេ, យំ ធម្មមសុណិំ តទា;
‘‘Ekanavutito kappe, yaṃ dhammamasuṇiṃ tadā;
ទុគ្គតិំ នាភិជានាមិ, ធម្មសវស្សិទំ ផលំ។
Duggatiṃ nābhijānāmi, dhammasavassidaṃ phalaṃ.
១៨.
18.
‘‘តេត្តិំសម្ហិ ឥតោ កប្បេ, ឯកោ អាសិំ មហីបតិ;
‘‘Tettiṃsamhi ito kappe, eko āsiṃ mahīpati;
សុតវា នាម នាមេន, ចក្កវត្តី មហព្ពលោ។
Sutavā nāma nāmena, cakkavattī mahabbalo.
១៩.
19.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ធម្មសញ្ញកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā dhammasaññako thero imā gāthāyo abhāsitthāti.
ធម្មសញ្ញកត្ថេរស្សាបទានំ ចតុត្ថំ។
Dhammasaññakattherassāpadānaṃ catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. បទុមកេសរិយត្ថេរអបទានាទិវណ្ណនា • 1-10. Padumakesariyattheraapadānādivaṇṇanā
