| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៧. ធម្មានុធម្មបដិបន្នសុត្តំ
7. Dhammānudhammapaṭipannasuttaṃ
៨៦. វុត្តញ្ហេតំ ភគវតា, វុត្តមរហតាតិ មេ សុតំ –
86. Vuttañhetaṃ bhagavatā, vuttamarahatāti me sutaṃ –
‘‘ធម្មានុធម្មបដិបន្នស្ស ភិក្ខុនោ អយមនុធម្មោ ហោតិ វេយ្យាករណាយ – ធម្មានុធម្មបដិបន្នោយន្តិ ភាសមានោ ធម្មញ្ញេវ ភាសតិ នោ អធម្មំ, វិតក្កយមានោ វា ធម្មវិតក្កញ្ញេវ វិតក្កេតិ នោ អធម្មវិតក្កំ, តទុភយំ វា បន អភិនិវេជ្ជេត្វា ឧបេក្ខកោ វិហរតិ សតោ សម្បជានោ’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Dhammānudhammapaṭipannassa bhikkhuno ayamanudhammo hoti veyyākaraṇāya – dhammānudhammapaṭipannoyanti bhāsamāno dhammaññeva bhāsati no adhammaṃ, vitakkayamāno vā dhammavitakkaññeva vitakketi no adhammavitakkaṃ, tadubhayaṃ vā pana abhinivejjetvā upekkhako viharati sato sampajāno’’ti. Etamatthaṃ bhagavā avoca. Tatthetaṃ iti vuccati –
‘‘ធម្មារាមោ ធម្មរតោ, ធម្មំ អនុវិចិន្តយំ;
‘‘Dhammārāmo dhammarato, dhammaṃ anuvicintayaṃ;
ធម្មំ អនុស្សរំ ភិក្ខុ, សទ្ធម្មា ន បរិហាយតិ។
Dhammaṃ anussaraṃ bhikkhu, saddhammā na parihāyati.
‘‘ចរំ វា យទិ វា តិដ្ឋំ, និសិន្នោ ឧទ វា សយំ;
‘‘Caraṃ vā yadi vā tiṭṭhaṃ, nisinno uda vā sayaṃ;
អជ្ឈត្តំ សមយំ ចិត្តំ, សន្តិមេវាធិគច្ឆតី’’តិ។
Ajjhattaṃ samayaṃ cittaṃ, santimevādhigacchatī’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ សត្តមំ។
Ayampi attho vutto bhagavatā, iti me sutanti. Sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៧. ធម្មានុធម្មបដិបន្នសុត្តវណ្ណនា • 7. Dhammānudhammapaṭipannasuttavaṇṇanā
