| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
7. д̇хаммаануд̇хаммабадибаннасуд̇д̇ам̣
7. Dhammānudhammapaṭipannasuttaṃ
86. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
86. Vuttañhetaṃ bhagavatā, vuttamarahatāti me sutaṃ –
‘‘д̇хаммаануд̇хаммабадибаннасса бхигкуно аяамануд̇хаммо ход̇и взяяаагаран̣ааяа – д̇хаммаануд̇хаммабадибаннояанд̇и бхаасамаано д̇хамман̃н̃зва бхаасад̇и но ад̇хаммам̣, вид̇аггаяамаано ваа д̇хаммавид̇агган̃н̃зва вид̇аггзд̇и но ад̇хаммавид̇аггам̣, д̇ад̣̇убхаяам̣ ваа бана абхинивзж̇ж̇зд̇ваа убзгкаго вихарад̇и сад̇о самбаж̇аано’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Dhammānudhammapaṭipannassa bhikkhuno ayamanudhammo hoti veyyākaraṇāya – dhammānudhammapaṭipannoyanti bhāsamāno dhammaññeva bhāsati no adhammaṃ, vitakkayamāno vā dhammavitakkaññeva vitakketi no adhammavitakkaṃ, tadubhayaṃ vā pana abhinivejjetvā upekkhako viharati sato sampajāno’’ti. Etamatthaṃ bhagavā avoca. Tatthetaṃ iti vuccati –
‘‘д̇хаммаараамо д̇хаммарад̇о, д̇хаммам̣ анувижинд̇аяам̣;
‘‘Dhammārāmo dhammarato, dhammaṃ anuvicintayaṃ;
д̇хаммам̣ ануссарам̣ бхигку, сад̣̇д̇хаммаа на барихааяад̇и.
Dhammaṃ anussaraṃ bhikkhu, saddhammā na parihāyati.
‘‘жарам̣ ваа яад̣̇и ваа д̇идтам̣, нисинно уд̣̇а ваа саяам̣;
‘‘Caraṃ vā yadi vā tiṭṭhaṃ, nisinno uda vā sayaṃ;
аж̇жхад̇д̇ам̣ самаяам̣ жид̇д̇ам̣, санд̇имзваад̇хиг̇ажчад̇ий’’д̇и.
Ajjhattaṃ samayaṃ cittaṃ, santimevādhigacchatī’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. сад̇д̇амам̣.
Ayampi attho vutto bhagavatā, iti me sutanti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 7. д̇хаммаануд̇хаммабадибаннасуд̇д̇аван̣н̣анаа • 7. Dhammānudhammapaṭipannasuttavaṇṇanā
