| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਧਮ੍ਮਕਥਿਕਸੁਤ੍ਤવਣ੍ਣਨਾ
6. Dhammakathikasuttavaṇṇanā
੧੬. ਛਟ੍ਠੇ ਨਿਬ੍ਬਿਦਾਯਾਤਿ ਨਿਬ੍ਬਿਨ੍ਦਨਤ੍ਥਾਯ। વਿਰਾਗਾਯਾਤਿ વਿਰਜ੍ਜਨਤ੍ਥਾਯ। ਨਿਰੋਧਾਯਾਤਿ ਨਿਰੁਜ੍ਝਨਤ੍ਥਾਯ। ਪਟਿਪਨ੍ਨੋ ਹੋਤੀਤਿ ਏਤ੍ਥ ਸੀਲਤੋ ਪਟ੍ਠਾਯ ਯਾવ ਅਰਹਤ੍ਤਮਗ੍ਗਾ ਪਟਿਪਨ੍ਨੋਤਿ વੇਦਿਤਬ੍ਬੋ। ਧਮ੍ਮਾਨੁਧਮ੍ਮਪ੍ਪਟਿਪਨ੍ਨੋਤਿ ਲੋਕੁਤ੍ਤਰਸ੍ਸ ਨਿਬ੍ਬਾਨਧਮ੍ਮਸ੍ਸ ਅਨੁਧਮ੍ਮਭੂਤਂ ਪਟਿਪਦਂ ਪਟਿਪਨ੍ਨੋ। ਅਨੁਧਮ੍ਮਭੂਤਨ੍ਤਿ ਅਨੁਰੂਪਸਭਾવਭੂਤਂ। ਨਿਬ੍ਬਿਦਾ વਿਰਾਗਾ ਨਿਰੋਧਾਤਿ ਨਿਬ੍ਬਿਦਾਯ ਚੇવ વਿਰਾਗੇਨ ਚ ਨਿਰੋਧੇਨ ਚ। ਅਨੁਪਾਦਾ વਿਮੁਤ੍ਤੋਤਿ ਚਤੂਹਿ ਉਪਾਦਾਨੇਹਿ ਕਿਞ੍ਚਿ ਧਮ੍ਮਂ ਅਨੁਪਾਦਿਯਿਤ੍વਾ વਿਮੁਤ੍ਤੋ। ਦਿਟ੍ਠਧਮ੍ਮਨਿਬ੍ਬਾਨਪ੍ਪਤ੍ਤੋਤਿ ਦਿਟ੍ਠੇવ ਧਮ੍ਮੇ ਨਿਬ੍ਬਾਨਪ੍ਪਤ੍ਤੋ। ਅਲਂ વਚਨਾਯਾਤਿ, ਏવਂ વਤ੍ਤਬ੍ਬਤਂ ਅਰਹਤਿ, ਯੁਤ੍ਤੋ ਅਨੁਚ੍ਛવਿਕੋਤਿ ਅਤ੍ਥੋ । ਏવਮੇਤ੍ਥ ਏਕੇਨ ਨਯੇਨ ਧਮ੍ਮਕਥਿਕਸ੍ਸ ਪੁਚ੍ਛਾ ਕਥਿਤਾ, ਦ੍વੀਹਿ ਤਂ વਿਸੇਸੇਤ੍વਾ ਸੇਕ੍ਖਾਸੇਕ੍ਖਭੂਮਿਯੋ ਨਿਦ੍ਦਿਟ੍ਠਾਤਿ। ਛਟ੍ਠਂ।
16. Chaṭṭhe nibbidāyāti nibbindanatthāya. Virāgāyāti virajjanatthāya. Nirodhāyāti nirujjhanatthāya. Paṭipanno hotīti ettha sīlato paṭṭhāya yāva arahattamaggā paṭipannoti veditabbo. Dhammānudhammappaṭipannoti lokuttarassa nibbānadhammassa anudhammabhūtaṃ paṭipadaṃ paṭipanno. Anudhammabhūtanti anurūpasabhāvabhūtaṃ. Nibbidā virāgā nirodhāti nibbidāya ceva virāgena ca nirodhena ca. Anupādā vimuttoti catūhi upādānehi kiñci dhammaṃ anupādiyitvā vimutto. Diṭṭhadhammanibbānappattoti diṭṭheva dhamme nibbānappatto. Alaṃ vacanāyāti, evaṃ vattabbataṃ arahati, yutto anucchavikoti attho . Evamettha ekena nayena dhammakathikassa pucchā kathitā, dvīhi taṃ visesetvā sekkhāsekkhabhūmiyo niddiṭṭhāti. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਧਮ੍ਮਕਥਿਕਸੁਤ੍ਤਂ • 6. Dhammakathikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਧਮ੍ਮਕਥਿਕਸੁਤ੍ਤવਣ੍ਣਨਾ • 6. Dhammakathikasuttavaṇṇanā
