| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༩-༡༠. དྷམྨཀཐིཀསུཏྟཱདིཝཎྞནཱ
9-10. Dhammakathikasuttādivaṇṇanā
༡༣༩-༡༤༠. ནཝམེ ཨཔྤཉྩ བྷཱསཏཱིཏི སམྤཏྟཔརིསཱཡ ཐོཀམེཝ ཀཐེཏི། ཨསཧིཏཉྩཱཏི ཀཐེནྟོ ཙ པན ན ཨཏྠཡུཏྟཾ ཀཱལཡུཏྟཾ ཀཐེཏི། པརིསཱ ཙསྶ ན ཀུསལཱ ཧོཏཱིཏི སོཏུཾ ནིསིནྣཔརིསཱ ཙསྶ ཡུཏྟཱཡུཏྟཾ ཀཱརཎཱཀཱརཎཾ སིལིཊྛཱསིལིཊྛཾ ན ཛཱནཱཏཱིཏི ཨཏྠོ། ཨེཝརཱུཔོཏི ཨཡཾ ཨེཝཾཛཱཏིཀོ བཱལདྷམྨཀཐིཀོ ཨེཝཾཛཱཏིཀཱཡ བཱལཔརིསཱཡ དྷམྨཀཐིཀོཏྭེཝ ནཱམཾ ལབྷཏི། ཨིམིནཱ ནཡེན སབྦཏྠ ཨཏྠོ ཝེདིཏབྦོ། ཨེཏྠ ཙ དྭེཡེཝ ཛནཱ སབྷཱཝདྷམྨཀཐིཀཱ, ན ཨིཏརེ། ཨིཏརེ པན དྷམྨཀཐིཀཱནཾ ཨནྟོ པཝིཊྛཏྟཱ ཨེཝཾ ཝུཏྟཱ། དསམཾ ཨུཏྟཱནམེཝ།
139-140. Navame appañca bhāsatīti sampattaparisāya thokameva katheti. Asahitañcāti kathento ca pana na atthayuttaṃ kālayuttaṃ katheti. Parisā cassa na kusalā hotīti sotuṃ nisinnaparisā cassa yuttāyuttaṃ kāraṇākāraṇaṃ siliṭṭhāsiliṭṭhaṃ na jānātīti attho. Evarūpoti ayaṃ evaṃjātiko bāladhammakathiko evaṃjātikāya bālaparisāya dhammakathikotveva nāmaṃ labhati. Iminā nayena sabbattha attho veditabbo. Ettha ca dveyeva janā sabhāvadhammakathikā, na itare. Itare pana dhammakathikānaṃ anto paviṭṭhattā evaṃ vuttā. Dasamaṃ uttānameva.
དྷམྨཀཐིཀསུཏྟཱདིཝཎྞནཱ ནིཊྛིཏཱ།
Dhammakathikasuttādivaṇṇanā niṭṭhitā.
པུགྒལཝགྒཝཎྞནཱ ནིཊྛིཏཱ།
Puggalavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༩. དྷམྨཀཐིཀསུཏྟཾ • 9. Dhammakathikasuttaṃ
༡༠. ཝཱདཱིསུཏྟཾ • 10. Vādīsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā)
༩. དྷམྨཀཐིཀསུཏྟཝཎྞནཱ • 9. Dhammakathikasuttavaṇṇanā
༡༠. ཝཱདཱིསུཏྟཝཎྞནཱ • 10. Vādīsuttavaṇṇanā
