| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒཔཱལི༹ • Cūḷavaggapāḷi |
དྷམྨཀམྨདྭཱདསཀཾ
Dhammakammadvādasakaṃ
༦༨. ‘‘ཏཱིཧི , བྷིཀྑཝེ, ཨངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ། སམྨུཁཱ ཀཏཾ ཧོཏི, པཊིཔུཙྪཱ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ།
68. ‘‘Tīhi , bhikkhave, aṅgehi samannāgataṃ, pāpikāya diṭṭhiyā appaṭinissagge, ukkhepanīyakammaṃ dhammakammañca hoti, vinayakammañca, suvūpasantañca. Sammukhā kataṃ hoti, paṭipucchā kataṃ hoti, paṭiññāya kataṃ hoti – imehi kho, bhikkhave, tīhaṅgehi samannāgataṃ, pāpikāya diṭṭhiyā appaṭinissagge, ukkhepanīyakammaṃ dhammakammañca hoti, vinayakammañca, suvūpasantañca.
‘‘ཨཔརེཧིཔི , བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ། ཨཱཔཏྟིཡཱ ཀཏཾ ཧོཏི, དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདེསིཏཱཡ ཨཱཔཏྟིཡཱ ཀཏཾ ཧོཏི…པེ॰… ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི…པེ॰… སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ॰… ཨཱཔཏྟིཾ ཨཱརོཔེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ།
‘‘Aparehipi , bhikkhave, tīhaṅgehi samannāgataṃ, pāpikāya diṭṭhiyā appaṭinissagge, ukkhepanīyakammaṃ dhammakammañca hoti, vinayakammañca, suvūpasantañca. Āpattiyā kataṃ hoti, desanāgāminiyā āpattiyā kataṃ hoti, adesitāya āpattiyā kataṃ hoti…pe… codetvā kataṃ hoti, sāretvā kataṃ hoti, āpattiṃ āropetvā kataṃ hoti…pe… sammukhā kataṃ hoti, dhammena kataṃ hoti, samaggena kataṃ hoti…pe… paṭipucchā kataṃ hoti, dhammena kataṃ hoti, samaggena kataṃ hoti…pe… paṭiññāya kataṃ hoti, dhammena kataṃ hoti, samaggena kataṃ hoti…pe… āpattiyā kataṃ hoti, dhammena kataṃ hoti, samaggena kataṃ hoti…pe… desanāgāminiyā āpattiyā kataṃ hoti, dhammena kataṃ hoti, samaggena kataṃ hoti…pe… adesitāya āpattiyā kataṃ hoti, dhammena kataṃ hoti, samaggena kataṃ hoti…pe… codetvā kataṃ hoti, dhammena kataṃ hoti, samaggena kataṃ hoti…pe… sāretvā kataṃ hoti, dhammena kataṃ hoti, samaggena kataṃ hoti…pe… āpattiṃ āropetvā kataṃ hoti, dhammena kataṃ hoti, samaggena kataṃ hoti – imehi kho, bhikkhave, tīhaṅgehi samannāgataṃ, pāpikāya diṭṭhiyā appaṭinissagge, ukkhepanīyakammaṃ dhammakammañca hoti, vinayakammañca, suvūpasantañca.
པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨེ
Pāpikāya diṭṭhiyā appaṭinissagge ukkhepanīyakamme
དྷམྨཀམྨདྭཱདསཀཾ ནིཊྛིཏཾ།
Dhammakammadvādasakaṃ niṭṭhitaṃ.
