| Library / Tipiṭaka / திபிடக • Tipiṭaka / சரியாபிடகபாளி • Cariyāpiṭakapāḷi |
8. த⁴ம்மதே³வபுத்தசரியா
8. Dhammadevaputtacariyā
66.
66.
‘‘புனாபரங் யதா³ ஹோமி, மஹாபக்கோ² மஹித்³தி⁴கோ;
‘‘Punāparaṃ yadā homi, mahāpakkho mahiddhiko;
த⁴ம்மோ நாம மஹாயக்கோ², ஸப்³ப³லோகானுகம்பகோ.
Dhammo nāma mahāyakkho, sabbalokānukampako.
67.
67.
‘‘த³ஸகுஸலகம்மபதே² , ஸமாத³பெந்தோ மஹாஜனங்;
‘‘Dasakusalakammapathe , samādapento mahājanaṃ;
சராமி கா³மனிக³மங், ஸமித்தோ ஸபரிஜ்ஜனோ.
Carāmi gāmanigamaṃ, samitto saparijjano.
68.
68.
‘‘பாபோ கத³ரியோ யக்கோ², தீ³பெந்தோ த³ஸ பாபகே;
‘‘Pāpo kadariyo yakkho, dīpento dasa pāpake;
ஸோபெத்த² மஹியா சரதி, ஸமித்தோ ஸபரிஜ்ஜனோ.
Sopettha mahiyā carati, samitto saparijjano.
69.
69.
‘‘த⁴ம்மவாதீ³ அத⁴ம்மோ ச, உபோ⁴ பச்சனிகா மயங்;
‘‘Dhammavādī adhammo ca, ubho paccanikā mayaṃ;
து⁴ரே து⁴ரங் க⁴ட்டயந்தா, ஸமிம்ஹா படிபதே² உபோ⁴.
Dhure dhuraṃ ghaṭṭayantā, samimhā paṭipathe ubho.
70.
70.
‘‘கலஹோ வத்ததீ பெ⁴ஸ்மா, கல்யாணபாபகஸ்ஸ ச;
‘‘Kalaho vattatī bhesmā, kalyāṇapāpakassa ca;
மக்³கா³ ஓக்கமனத்தா²ய, மஹாயுத்³தோ⁴ உபட்டி²தோ.
Maggā okkamanatthāya, mahāyuddho upaṭṭhito.
71.
71.
‘‘யதி³ஹங் தஸ்ஸ குப்பெய்யங், யதி³ பி⁴ந்தே³ தபோகு³ணங்;
‘‘Yadihaṃ tassa kuppeyyaṃ, yadi bhinde tapoguṇaṃ;
ஸஹபரிஜனங் தஸ்ஸ, ரஜபூ⁴தங் கரெய்யஹங்.
Sahaparijanaṃ tassa, rajabhūtaṃ kareyyahaṃ.
72.
72.
‘‘அபிசாஹங் ஸீலரக்கா²ய, நிப்³பா³பெத்வான மானஸங்;
‘‘Apicāhaṃ sīlarakkhāya, nibbāpetvāna mānasaṃ;
ஸஹ ஜனேனோக்கமித்வா, பத²ங் பாபஸ்ஸ தா³ஸஹங்.
Saha janenokkamitvā, pathaṃ pāpassa dāsahaṃ.
73.
73.
‘‘ஸஹ பத²தோ ஓக்கந்தே, கத்வா சித்தஸ்ஸ நிப்³பு³திங்;
‘‘Saha pathato okkante, katvā cittassa nibbutiṃ;
விவரங் அதா³ஸி பத²வீ, பாபயக்க²ஸ்ஸ தாவதே³’’தி.
Vivaraṃ adāsi pathavī, pāpayakkhassa tāvade’’ti.
த⁴ம்மதே³வபுத்தசரியங் அட்ட²மங்.
Dhammadevaputtacariyaṃ aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சரியாபிடக-அட்ட²கதா² • Cariyāpiṭaka-aṭṭhakathā / 8. த⁴ம்மதே³வபுத்தசரியாவண்ணனா • 8. Dhammadevaputtacariyāvaṇṇanā
