| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
ധമ്മദേസനാസമുട്ഠാനവണ്ണനാ
Dhammadesanāsamuṭṭhānavaṇṇanā
൨൬൭. ധമ്മദേസനാസമുട്ഠാനേ സമുട്ഠാനസീസം നത്ഥി, സബ്ബാനി ഏകദസ സിക്ഖാപദാനി സമ്പിണ്ഡേത്വാ ധമ്മദേസനാസമുട്ഠാനാനീതി വുത്താനി. ഏവന്തിആദി നിഗമനം. തേസന്തി തേസം സിക്ഖാപദാനം . സമ്ഭിന്നസമുട്ഠാനന്തി സംസഗ്ഗസമുട്ഠാനം. തിവിധന്തി ഭൂതാരോചനചോരിവുട്ഠാപനഅനനുഞ്ഞാതസമുട്ഠാനവസേന തിപ്പകാരം. തന്തി നിയതസമുട്ഠാനം, ഹോതീതി സമ്ബന്ധോ. പുന തന്തി നിയതസമുട്ഠാനം, ദസ്സേതുന്തി സമ്ബന്ധോ. പുന തന്തി വചനം. നേത്തിധമ്മാനുലോമികന്തി ഏത്ഥ കായവാചം നേതി വിനേതീതി നേത്തി, കായവാചം നേതി വിനേതി ഏത്ഥ, ഏതായാതി വാ നേത്തി. ധമ്മോതി പാളി. സാ ഹി യസ്മാ അത്ഥം ധാരേതി, തസ്മാ ധമ്മോതി വുച്ചതി. നേത്തിയേവ ധമ്മോ നേത്തിധമ്മോ, തസ്സ അനുലോമികം നേത്തിധമ്മാനുലോമികം. തേന വുത്തം ‘‘വിനയപാളിധമ്മസ്സ അനുലോമ’’ന്തി.
267. Dhammadesanāsamuṭṭhāne samuṭṭhānasīsaṃ natthi, sabbāni ekadasa sikkhāpadāni sampiṇḍetvā dhammadesanāsamuṭṭhānānīti vuttāni. Evantiādi nigamanaṃ. Tesanti tesaṃ sikkhāpadānaṃ . Sambhinnasamuṭṭhānanti saṃsaggasamuṭṭhānaṃ. Tividhanti bhūtārocanacorivuṭṭhāpanaananuññātasamuṭṭhānavasena tippakāraṃ. Tanti niyatasamuṭṭhānaṃ, hotīti sambandho. Puna tanti niyatasamuṭṭhānaṃ, dassetunti sambandho. Puna tanti vacanaṃ. Nettidhammānulomikanti ettha kāyavācaṃ neti vinetīti netti, kāyavācaṃ neti vineti ettha, etāyāti vā netti. Dhammoti pāḷi. Sā hi yasmā atthaṃ dhāreti, tasmā dhammoti vuccati. Nettiyeva dhammo nettidhammo, tassa anulomikaṃ nettidhammānulomikaṃ. Tena vuttaṃ ‘‘vinayapāḷidhammassa anuloma’’nti.
ഇതി സമുട്ഠാനസീസവണ്ണനായ യോജനാ സമത്താ.
Iti samuṭṭhānasīsavaṇṇanāya yojanā samattā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi / ൧൦. ധമ്മദേസനാസമുട്ഠാനം • 10. Dhammadesanāsamuṭṭhānaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā / ധമ്മദേസനാസമുട്ഠാനവണ്ണനാ • Dhammadesanāsamuṭṭhānavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / സമുട്ഠാനസീസവണ്ണനാ • Samuṭṭhānasīsavaṇṇanā
