| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ဓမ္မဒေသနာသမုဋ္ဌာနဝဏ္ဏနာ
Dhammadesanāsamuṭṭhānavaṇṇanā
၂၆၇. ဓမ္မဒေသနာသမုဋ္ဌာနေ သမုဋ္ဌာနသီသံ နတ္ထိ, သဗ္ဗာနိ ဧကဒသ သိက္ခာပဒာနိ သမ္ပိဏ္ဍေတ္ဝာ ဓမ္မဒေသနာသမုဋ္ဌာနာနီတိ ဝုတ္တာနိ။ ဧဝန္တိအာဒိ နိဂမနံ။ တေသန္တိ တေသံ သိက္ခာပဒာနံ ။ သမ္ဘိန္နသမုဋ္ဌာနန္တိ သံသဂ္ဂသမုဋ္ဌာနံ။ တိဝိဓန္တိ ဘူတာရောစနစောရိဝုဋ္ဌာပနအနနုညာတသမုဋ္ဌာနဝသေန တိပ္ပကာရံ။ တန္တိ နိယတသမုဋ္ဌာနံ, ဟောတီတိ သမ္ဗန္ဓော။ ပုန တန္တိ နိယတသမုဋ္ဌာနံ, ဒသ္သေတုန္တိ သမ္ဗန္ဓော။ ပုန တန္တိ ဝစနံ။ နေတ္တိဓမ္မာနုလောမိကန္တိ ဧတ္ထ ကာယဝာစံ နေတိ ဝိနေတီတိ နေတ္တိ, ကာယဝာစံ နေတိ ဝိနေတိ ဧတ္ထ, ဧတာယာတိ ဝာ နေတ္တိ။ ဓမ္မောတိ ပာဠိ။ သာ ဟိ ယသ္မာ အတ္ထံ ဓာရေတိ, တသ္မာ ဓမ္မောတိ ဝုစ္စတိ။ နေတ္တိယေဝ ဓမ္မော နေတ္တိဓမ္မော, တသ္သ အနုလောမိကံ နေတ္တိဓမ္မာနုလောမိကံ။ တေန ဝုတ္တံ ‘‘ဝိနယပာဠိဓမ္မသ္သ အနုလောမ’’န္တိ။
267. Dhammadesanāsamuṭṭhāne samuṭṭhānasīsaṃ natthi, sabbāni ekadasa sikkhāpadāni sampiṇḍetvā dhammadesanāsamuṭṭhānānīti vuttāni. Evantiādi nigamanaṃ. Tesanti tesaṃ sikkhāpadānaṃ . Sambhinnasamuṭṭhānanti saṃsaggasamuṭṭhānaṃ. Tividhanti bhūtārocanacorivuṭṭhāpanaananuññātasamuṭṭhānavasena tippakāraṃ. Tanti niyatasamuṭṭhānaṃ, hotīti sambandho. Puna tanti niyatasamuṭṭhānaṃ, dassetunti sambandho. Puna tanti vacanaṃ. Nettidhammānulomikanti ettha kāyavācaṃ neti vinetīti netti, kāyavācaṃ neti vineti ettha, etāyāti vā netti. Dhammoti pāḷi. Sā hi yasmā atthaṃ dhāreti, tasmā dhammoti vuccati. Nettiyeva dhammo nettidhammo, tassa anulomikaṃ nettidhammānulomikaṃ. Tena vuttaṃ ‘‘vinayapāḷidhammassa anuloma’’nti.
ဣတိ သမုဋ္ဌာနသီသဝဏ္ဏနာယ ယောဇနာ သမတ္တာ။
Iti samuṭṭhānasīsavaṇṇanāya yojanā samattā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁၀. ဓမ္မဒေသနာသမုဋ္ဌာနံ • 10. Dhammadesanāsamuṭṭhānaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဓမ္မဒေသနာသမုဋ္ဌာနဝဏ္ဏနာ • Dhammadesanāsamuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သမုဋ္ဌာနသီသဝဏ္ဏနာ • Samuṭṭhānasīsavaṇṇanā
