| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
ধম্মদেসনাসমুট্ঠানৰণ্ণনা
Dhammadesanāsamuṭṭhānavaṇṇanā
২৬৭. ধম্মদেসনাসমুট্ঠানে সমুট্ঠানসীসং নত্থি, সব্বানি একদস সিক্খাপদানি সম্পিণ্ডেত্ৰা ধম্মদেসনাসমুট্ঠানানীতি ৰুত্তানি। এৰন্তিআদি নিগমনং। তেসন্তি তেসং সিক্খাপদানং । সম্ভিন্নসমুট্ঠানন্তি সংসগ্গসমুট্ঠানং। তিৰিধন্তি ভূতারোচনচোরিৰুট্ঠাপনঅননুঞ্ঞাতসমুট্ঠানৰসেন তিপ্পকারং। তন্তি নিযতসমুট্ঠানং, হোতীতি সম্বন্ধো। পুন তন্তি নিযতসমুট্ঠানং, দস্সেতুন্তি সম্বন্ধো। পুন তন্তি ৰচনং। নেত্তিধম্মানুলোমিকন্তি এত্থ কাযৰাচং নেতি ৰিনেতীতি নেত্তি, কাযৰাচং নেতি ৰিনেতি এত্থ, এতাযাতি ৰা নেত্তি। ধম্মোতি পাল়ি। সা হি যস্মা অত্থং ধারেতি, তস্মা ধম্মোতি ৰুচ্চতি। নেত্তিযেৰ ধম্মো নেত্তিধম্মো, তস্স অনুলোমিকং নেত্তিধম্মানুলোমিকং। তেন ৰুত্তং ‘‘ৰিনযপাল়িধম্মস্স অনুলোম’’ন্তি।
267. Dhammadesanāsamuṭṭhāne samuṭṭhānasīsaṃ natthi, sabbāni ekadasa sikkhāpadāni sampiṇḍetvā dhammadesanāsamuṭṭhānānīti vuttāni. Evantiādi nigamanaṃ. Tesanti tesaṃ sikkhāpadānaṃ . Sambhinnasamuṭṭhānanti saṃsaggasamuṭṭhānaṃ. Tividhanti bhūtārocanacorivuṭṭhāpanaananuññātasamuṭṭhānavasena tippakāraṃ. Tanti niyatasamuṭṭhānaṃ, hotīti sambandho. Puna tanti niyatasamuṭṭhānaṃ, dassetunti sambandho. Puna tanti vacanaṃ. Nettidhammānulomikanti ettha kāyavācaṃ neti vinetīti netti, kāyavācaṃ neti vineti ettha, etāyāti vā netti. Dhammoti pāḷi. Sā hi yasmā atthaṃ dhāreti, tasmā dhammoti vuccati. Nettiyeva dhammo nettidhammo, tassa anulomikaṃ nettidhammānulomikaṃ. Tena vuttaṃ ‘‘vinayapāḷidhammassa anuloma’’nti.
ইতি সমুট্ঠানসীসৰণ্ণনায যোজনা সমত্তা।
Iti samuṭṭhānasīsavaṇṇanāya yojanā samattā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১০. ধম্মদেসনাসমুট্ঠানং • 10. Dhammadesanāsamuṭṭhānaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / ধম্মদেসনাসমুট্ঠানৰণ্ণনা • Dhammadesanāsamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সমুট্ঠানসীসৰণ্ণনা • Samuṭṭhānasīsavaṇṇanā
