| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༢༢. བཱཝཱིསཏིམཝགྒོ
22. Bāvīsatimavaggo
(༢༡༡) ༤. དྷམྨཱབྷིསམཡཀཐཱ
(211) 4. Dhammābhisamayakathā
༨༩༧. ཨཏྠི གབྦྷསེཡྻཱཡ དྷམྨཱབྷིསམཡོཏི? ཨཱམནྟཱ། ཨཏྠི གབྦྷསེཡྻཱཡ དྷམྨདེསནཱ, དྷམྨསྶཝནཾ, དྷམྨསཱཀཙྪཱ, པརིཔུཙྪཱ, སཱིལསམཱདཱནཾ , ཨིནྡྲིཡེསུ གུཏྟདྭཱརཏཱ, བྷོཛནེ མཏྟཉྙུཏཱ, པུབྦརཏྟཱཔརརཏྟཾ ཛཱགརིཡཱནུཡོགོཏི ? ན ཧེཝཾ ཝཏྟབྦེ…པེ॰… ནཏྠི གབྦྷསེཡྻཱཡ དྷམྨདེསནཱ, དྷམྨསྶཝནཾ…པེ॰… པུབྦརཏྟཱཔརརཏྟཾ ཛཱགརིཡཱནུཡོགོཏི? ཨཱམནྟཱ། ཧཉྩི ནཏྠི གབྦྷསེཡྻཱཡ དྷམྨདེསནཱ, དྷམྨསྶཝནཾ…པེ॰… པུབྦརཏྟཱཔརརཏྟཾ ཛཱགརིཡཱནུཡོགོ, ནོ ཙ ཝཏ རེ ཝཏྟབྦེ – ‘‘ཨཏྠི གབྦྷསེཡྻཱཡ དྷམྨཱབྷིསམཡོ’’ཏི།
897. Atthi gabbhaseyyāya dhammābhisamayoti? Āmantā. Atthi gabbhaseyyāya dhammadesanā, dhammassavanaṃ, dhammasākacchā, paripucchā, sīlasamādānaṃ , indriyesu guttadvāratā, bhojane mattaññutā, pubbarattāpararattaṃ jāgariyānuyogoti ? Na hevaṃ vattabbe…pe… natthi gabbhaseyyāya dhammadesanā, dhammassavanaṃ…pe… pubbarattāpararattaṃ jāgariyānuyogoti? Āmantā. Hañci natthi gabbhaseyyāya dhammadesanā, dhammassavanaṃ…pe… pubbarattāpararattaṃ jāgariyānuyogo, no ca vata re vattabbe – ‘‘atthi gabbhaseyyāya dhammābhisamayo’’ti.
ཨཏྠི གབྦྷསེཡྻཱཡ དྷམྨཱབྷིསམཡོཏི? ཨཱམནྟཱ། ནནུ དྭེ པཙྩཡཱ སམྨཱདིཊྛིཡཱ ཨུཔྤཱདཱཡ – པརཏོ ཙ གྷོསོ, ཡོནིསོ ཙ མནསིཀཱརོཏི? ཨཱམནྟཱ། ཧཉྩི དྭེ པཙྩཡཱ སམྨཱདིཊྛིཡཱ ཨུཔྤཱདཱཡ – པརཏོ ཙ གྷོསོ, ཡོནིསོ ཙ མནསིཀཱརོ, ནོ ཙ ཝཏ རེ ཝཏྟབྦེ – ‘‘ཨཏྠི གབྦྷསེཡྻཱཡ དྷམྨཱབྷིསམཡོ’’ཏི།
Atthi gabbhaseyyāya dhammābhisamayoti? Āmantā. Nanu dve paccayā sammādiṭṭhiyā uppādāya – parato ca ghoso, yoniso ca manasikāroti? Āmantā. Hañci dve paccayā sammādiṭṭhiyā uppādāya – parato ca ghoso, yoniso ca manasikāro, no ca vata re vattabbe – ‘‘atthi gabbhaseyyāya dhammābhisamayo’’ti.
ཨཏྠི གབྦྷསེཡྻཱཡ དྷམྨཱབྷིསམཡོཏི? ཨཱམནྟཱ། སུཏྟསྶ པམཏྟསྶ མུཊྛསྶཏིསྶ ཨསམྤཛཱནསྶ དྷམྨཱབྷིསམཡོཏི? ན ཧེཝཾ ཝཏྟབྦེ…པེ॰…།
Atthi gabbhaseyyāya dhammābhisamayoti? Āmantā. Suttassa pamattassa muṭṭhassatissa asampajānassa dhammābhisamayoti? Na hevaṃ vattabbe…pe….
དྷམྨཱབྷིསམཡཀཐཱ ནིཊྛིཏཱ།
Dhammābhisamayakathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. དྷམྨཱབྷིསམཡཀཐཱཝཎྞནཱ • 4. Dhammābhisamayakathāvaṇṇanā
