| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೮. ದೇವದತ್ತಸುತ್ತವಣ್ಣನಾ
8. Devadattasuttavaṇṇanā
೬೮. ಅಟ್ಠಮೇ ಕಾಲೇ ಸಮ್ಪತ್ತೇತಿ ಗಬ್ಭಸ್ಸ ಪರಿಪಾಕಗತತ್ತಾ ವಿಜಾಯನಕಾಲೇ ಸಮ್ಪತ್ತೇ। ಪೋತಕನ್ತಿ ಅಸ್ಸತರಿಯಾ ಪುತ್ತಂ। ‘‘ಫಲಂ ವೇ ಕದಲಿಂ ಹನ್ತೀ’’ತಿಆದಿಗಾಥಾಯ ಕುಕ್ಕುಜಕೇನೇವ ಪತ್ತವಟ್ಟಿಪಸವಸ್ಸ ಉಚ್ಛಿನ್ನತ್ತಾ ಫಲುಪ್ಪತ್ತಿ ಕದಲಿಯಾ ಪರಾಭವಾಯ ಹೋತೀತಿ ಆಹ ‘‘ಫಲಂ ವೇ ಕದಲಿಂ ಹನ್ತೀ’’ತಿ। ಕುಕ್ಕುಜಕಂ ನಾಮ ಕದಲಿಯಾ ಪುಪ್ಫನಾಳಂ। ತಥಾ ಫಲಪಾಕಪರಿಯೋಸಾನತ್ತಾ ಓಸಧೀನಂ ‘‘ಫಲಂ ವೇಳುಂ ನಳ’’ನ್ತಿ ವುತ್ತಂ। ಅಯಂ ಪನೇತ್ಥ ಪಿಣ್ಡತ್ಥೋ – ಯಥಾ ಅತ್ತನೋ ಫಲಂ ಕದಲಿವೇಳುನಳೇ ವಿನಾಸೇತಿ, ಗಬ್ಭೋ ಚ ಅಸ್ಸತರಿಂ, ಏವಂ ಅತ್ತನೋ ಕಮ್ಮಭೂತೋ ಸಕ್ಕಾರೋ ಅಸಪ್ಪುರಿಸಂ ವಿನಾಸೇತೀತಿ।
68. Aṭṭhame kāle sampatteti gabbhassa paripākagatattā vijāyanakāle sampatte. Potakanti assatariyā puttaṃ. ‘‘Phalaṃ ve kadaliṃ hantī’’tiādigāthāya kukkujakeneva pattavaṭṭipasavassa ucchinnattā phaluppatti kadaliyā parābhavāya hotīti āha ‘‘phalaṃ ve kadaliṃ hantī’’ti. Kukkujakaṃ nāma kadaliyā pupphanāḷaṃ. Tathā phalapākapariyosānattā osadhīnaṃ ‘‘phalaṃ veḷuṃ naḷa’’nti vuttaṃ. Ayaṃ panettha piṇḍattho – yathā attano phalaṃ kadaliveḷunaḷe vināseti, gabbho ca assatariṃ, evaṃ attano kammabhūto sakkāro asappurisaṃ vināsetīti.
ದೇವದತ್ತಸುತ್ತವಣ್ಣನಾ ನಿಟ್ಠಿತಾ।
Devadattasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೮. ದೇವದತ್ತಸುತ್ತಂ • 8. Devadattasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೮. ದೇವದತ್ತಸುತ್ತವಣ್ಣನಾ • 8. Devadattasuttavaṇṇanā
