| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៨. ទេវទត្តសុត្តវណ្ណនា
8. Devadattasuttavaṇṇanā
៦៨. អដ្ឋមេ កាលេ សម្បត្តេតិ គព្ភស្ស បរិបាកគតត្តា វិជាយនកាលេ សម្បត្តេ។ បោតកន្តិ អស្សតរិយា បុត្តំ។ ‘‘ផលំ វេ កទលិំ ហន្តី’’តិអាទិគាថាយ កុក្កុជកេនេវ បត្តវដ្ដិបសវស្ស ឧច្ឆិន្នត្តា ផលុប្បត្តិ កទលិយា បរាភវាយ ហោតីតិ អាហ ‘‘ផលំ វេ កទលិំ ហន្តី’’តិ។ កុក្កុជកំ នាម កទលិយា បុប្ផនាឡំ។ តថា ផលបាកបរិយោសានត្តា ឱសធីនំ ‘‘ផលំ វេឡុំ នឡ’’ន្តិ វុត្តំ។ អយំ បនេត្ថ បិណ្ឌត្ថោ – យថា អត្តនោ ផលំ កទលិវេឡុនឡេ វិនាសេតិ, គព្ភោ ច អស្សតរិំ, ឯវំ អត្តនោ កម្មភូតោ សក្ការោ អសប្បុរិសំ វិនាសេតីតិ។
68. Aṭṭhame kāle sampatteti gabbhassa paripākagatattā vijāyanakāle sampatte. Potakanti assatariyā puttaṃ. ‘‘Phalaṃ ve kadaliṃ hantī’’tiādigāthāya kukkujakeneva pattavaṭṭipasavassa ucchinnattā phaluppatti kadaliyā parābhavāya hotīti āha ‘‘phalaṃ ve kadaliṃ hantī’’ti. Kukkujakaṃ nāma kadaliyā pupphanāḷaṃ. Tathā phalapākapariyosānattā osadhīnaṃ ‘‘phalaṃ veḷuṃ naḷa’’nti vuttaṃ. Ayaṃ panettha piṇḍattho – yathā attano phalaṃ kadaliveḷunaḷe vināseti, gabbho ca assatariṃ, evaṃ attano kammabhūto sakkāro asappurisaṃ vināsetīti.
ទេវទត្តសុត្តវណ្ណនា និដ្ឋិតា។
Devadattasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. ទេវទត្តសុត្តំ • 8. Devadattasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៨. ទេវទត្តសុត្តវណ្ណនា • 8. Devadattasuttavaṇṇanā
